Gmejny měli zhromadnje gratownje twarić a wudźeržować

Pančicy-Kukow (SN/JaW). Dale a wjetše starosće maja komuny tež w Hornjej Łužicy, wodnjo hotowosć swojich dobrowólnych wohnjowych woborow zaručić. W gmejnje Ralbicy-Róžant njemóža ju na přikład w Róžeńće hižo dlěši čas zaručić, dokelž maja jenož jednoho wobornika k dispoziciji, kaž nawoda gmejnskeje wobory Ralbic-Róžanta Achim Měrćink na njedawnej gmejnskej radźe rozprawješe.