Młodźi serbscy kandidaća za Budysku měšćansku radu so předstajili

Budyšin (JK/SN). Za přichodnu Budysku měšćansku radu kandiduja mjez druhim štyrjo młodźi Serbja. Tući su sebje a swoje politiske zaměry kaž tež předstawy, skutkować w přichodnej politiskej zamołwitosći, wčera wječor w Budyskej Kehelerni předstajili. Krótkodobnje zwołane zarjadowanje by sej hladajo na wažnosć komunalnych wólbow a politiske žiwjenje Budyšina wjetši zajim wobydlerjow sprjewineho města zasłužiło. Tak je jenož horstka zajimcow přewšo naročne a spodobne nahlady młodych muži sćěhowała.