W nawodnistwje Wojerowskeho měšćan­skeho zarjadnistwa dóńdźe nětko­ k personalnej změnje, kotruž bě měšćanska rada hižo kónc nowembra wobzamknyła.

Wojerecy (AK/SN). Po 25 lětach w komunalnej politice a po pjeć lětach w bydlenskim hospodarstwje poda so Wojerowski socialny měšćanosta Thomas Delling (SPD) na wuměnk. Wjelelětneho a nazhoniteho komunalneho politikarja je měšćanska rada na swojim wčerawšim posedźenju rozžohnowała. Zastojnstwo 68lětneho přewozmje nětko Mirko Pink z Čorneho Chołmca.