Nawjes w Chrósćicach wobnowić so problemow dla dliji
Chrósćicy (JK/SN). Poprawom dyrbješe so Chróšćanska nawjes, to rěka Cyrkwinska hora a naměsto před něhdyšim gmejnskim zarjadom, hižo loni kónc lěta w nowym šaće prezentować. Njewočakowane problemy pak su zakónčenje wulkeho předewzaća podlěšili. Gmejna sama na tym wina njeje, ale skerje pobrachowace twaršćizny, špatne wjedro a mało dźěłaćerjow w twarskej firmje. Na posedźenju gmejnskeje rady předwčerawšim pak wjesnjanosta Marko Kliman (CDU) radźićelam wobkrući, zo so kónc předewzaća bliži. Hnydom po jutrach prěni wotrězk dróhi asfaltuja a zelenu přestrjeń na poł horje připrawja.
