Njedźelu, 16. junija, ma so runja druhim městnam we Wojerecach a wokolinje 2. dźeń wotewrjeneje zahrody wotměć. Za to pytaja nětko sobuwojowarjow, kotřiž bychu swoje zelene oazy druhim zajimcam spřistupnili a wopytowarjow witali.
Wojerecy (SiR/SN). Před njecyłymaj lětomaj je hłowna iniciatorka Roswitha Petschick z Małeje Nydeje z podpěraćelemi a partnerami organizaciju do ruki wzała a ze swojej priwatnej iniciatiwu prěni dźeń wotewrjeneje zahrody w starym Wojerowskim wokrjesu přihotować započała. Akcija bě tehdy wulki wuspěch. Hladajo na najwšelakoriše dobre wothłosy sej projekt wospjetowanje runjewon žadaše.