Kózłe. Dźeń do swjedźenja swjateho Jana, 23. junija, su k swjedźenjej Janskeho ­jěchanja w Kózłem (Casel) pola Drjowka, jónkrótneho nałožka w Delnjej Łužicy, tež namšu swjećili. Tudyša wosada a skupina Serbska namša wuhotowaštej ju zhromadnje z wosadnej fararku Astrid Schlüter, lektorom Hartmutom Leipnerom a lektorku Karinu Raddacowej. Psalm a próstwy čitachu dwurěčnje, ewangelij a tekst prědowanja kaž tež ­scena „Wujednanje“ běchu serbske. Tež někotre štučki kěrlušow spěwachu ­serbsce.