Schrift vergrößern
Mnozy wobydlerjo Budyšina a wopytowarjo wužiwaja na Budyskim spjatym jězoru rozdźělne wodowe jězdźidła. Tež tele dny so tam ludźo na nich zabawjeja. Wšako njetrjebaja jenož z nimi po wodźe jěć, ale z někotrych móžeš so tež do wody suwać. To wosebje dźěćom wjeselo wobradźa. Bórze móhła so cyle nowa kategorija wódnych jězdźidłow přidružić. Foto: SN/Bojan Benić
Budyski spjaty jězor skići wjele móžnosćow za wočerstwjenje, ale je tež zakład skutkowanja hospodarskich předewzaćow. Mnozy jón hižo wužiwaja. Dalši atraktiwny poskitk pak hišće pobrachuje. To ma so po woli předewzaćela Stefana Menzela bórze změnić.
