We wubědźowanju sakskeho fondsa „Čiń sobu“ lěta 2019 běše tež projekt „Dokumentacija zběrki Helmuta Kurja w Blunjanskej narěči“ mjez dobyće­rjemi. Póndźelu wječor je jón awtorka Hanka Zahrodnikec w Blunju před­stajiła.

Bluń (AP/SN). Wjace hač 50 wjesnjanow a hosći z wokoliny běše so na zjawnu kónčnu prezentaciju w zetkanišću Burska stwa w Blunju zešło, zo by přednošk Hanki Zahrodnikec z Ćiska kaž tež přepodaće slědźerskeho materiala dźowce Helmuta Kurja a zastupjerjam sekcije ludowěda/muzejownistwo Maćicy Serbskeje sobu dožiwiło.