Schrift vergrößern
Lětsa hižo pjećdźesaty raz su sobotu na Radworskej kupje rybjacy swjedźeń woswjećili. Hač do popołdnja su čłonojo towarstwa Zjednoćenstwo kupoweho hata dohromady něhdźe 150 kilogramow karpow nałójili. Ze swojimi zamjetakami (Kescher) mócnje sobu pomhali su tež dźěći, mjez nimi Milan Wendt (foto naprawo). Wopytowarjow je towarstwo z tójšto rybjacymi chłóšćenkami pohosćiło. Nawal ludźi bě kaž přeco přemóžacy. Foto: Vanessa Žurec
Radwor (SN/VaŽ). Hižo wot lěta 1974 sem pěstuje Zjednoćenstwo kupoweho hata Radwor z. t. hatarstwo w regionje kaž tež tradicionalne zarjadowanja. Zawčerawšim swjećachu pjećdźesaty raz rybjacy swjedźeń. Towarstwo nawjeduje mjeztym hižo 16 lět Claudija Steglichowa.
