Kołowokoło Łužiskeje jězoriny tuchwilu na dwanaće hektarach wino rosće

Budyšin (SN/lmc). Po cyłej Němskej plahuja w 13 tak mjenowanych wěstych plahowanišćach na něhdźe 103 000 hektarach wino. Z toho namakamy něhdźe 32 hektarow w Braniborskej a nimale 500 hektarow w Sakskej. Wěste družiny smědźa so po zakonju jenož w tychle kónčinach produkować. Tež, hdyž Łužica oficielna plahowanska kónčina wina njeje, nastawa runje w tutej kónčinje dźeń a wjace mjeńšich winowych kubłow. Na tutych winicarjo – hač jako hobby abo profesionelnje – swoje dobre kapki plahuja.