Budyšin (SN). Adwent so z wulkimi kročelemi bliži a z tym čas adwentnych a hodownych wikow. Tež město Budyšin je swoje lětsa hižo 641. Wjacławske wiki derje přihotowało a wjeseli so na wopytowarjow zbliska a zdaloka. Obligatoriski hodowny štom staja hišće w tutym tydźenju, sobotu připołdnju na Hłownym torhošću. Hnydom dwójce chce tu Budyski wyši měšćanosta Karsten Vogt (CDU) najstarše w němskich chronikach naspomnjene adwentne wiki lětsa zahajić. Jónu pjatk, 29. nowembra, hromadźe z dźiwadźelnikom Niklasom Krajewskim alias kralom Wjacławom IV. a dwaj dnjej pozdźišo, njedźelu, prěnjeho adwenta. Na tutym dnju nakraje po tradiciji štyri metry dołhi wosušk Budyskeho pjekarskeho mištra Lutza Neumanna.