Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow ­prócuja. K tomu ­přinošować chce naša serija z pokiwami z weterinarneje ­mediciny. (50)

Hdyž wobsedźiš psa abo kóčku, njemóžeš woči stajnje wšudźe měć. Byrnjež psyk derje kubłany był abo kóčka tak zapleńčena, zo njeby ženje jatrowu kołbasu ze snědanskeho blida pokradnyła, druhdy wšak jedna tajke zwěrjo tola hinak.

Ze wšědneho dnja w praksy znaješ mnoho stawizničkow tajkich čušlakow. Na přikład je jónu pos z narodninskeho blida šokolodźany prezent storhnył a zežrał. Tež rozbita bleša likera bě jemu dobra pojědź. Na zbožo njeje so zwěrjo zajědojćiło. Wo někotrych maćiznach, kotrež po požiwanju cyłemu organizmej psa abo kóčki škodźa, sym wam hižo rozprawjała. Tu jedna so pak wo njezboža hinašeho razu: