Łaz (AK/SN). Energijowa firma Sabowind tzwr z Freiberga smě ze swojimi planami za energijowy park na arealu mjez Běłym Chołmcom a Hórnikecami we Łazowskej gmejnje pokročować. Zakładne wobzamknjenje gmejnskeje rady ze 24. oktobra 2023 je prawnisce płaćiwe. To je ­prawniski dohlad Budyskeho wokrjesa nětko wobkrućił. Łazowski wjesnja­nosta Thomas Leberecht (CDU) informowaše wo tym wutoru na posedźenju gmejnskich radźićelow. Na 100 hektarow wulkej přestrjeni chce Sabowind tzwr pjeć 285 metrow wulke wětrniki z cyłkownym wukonom 36 megawattow postajić.