Kandidataj nastupitaj
Hory. K wólbam wjesnjanosty w gmejnje Halštrowska Hola 3. septembra nastupitaj dwaj kandidataj. 50lětna prawiznica Antje Gasterstädt z Horow nastupi za CDU. Wona je wjesna předstejićerka na Horach a gmejnska radźićelka. 42lětny Hannes Smohor z Lejnoho je njestronski kandidat a čłon wjesneje rady Lejno. Dotalny wjesnjanosta Dietmar Koark zastojnstwo strowotniskich přičin dla złoži.
Wot Putina wuznamjenjeny
Drježdźany. Něhdyšemu šefej bala Semperoweje opery Hansej-Joachimej Freyjej a dalšim wosobam je Wladimir Putin w Krjemlu wosebite wuznamjenjenje přepodał. Wo swjatočnym akće kónc meje je Kamjeničanska nowina Freie Presse nětko jako prěnja informowała. Frey bě 2009 za to zamołwity, zo su Putinej „rjad swjateho Jurja“ spožčili, kotryž bu jemu loni zaso woteznaty.
Pućowanska agentura we wizěrje
