Dźeń kulturow na Europeadźe 2024 – debata wo rjadowanju dypkow

Flensburg (SN/MkWj). Pisana měšeńca wšelakich mjeńšinowych rěčow knježeše wčera na terenje kubłanskeho a sportoweho centruma Knivsberg w Danskej, něhdźe 50 kilometrow sewjernje pomjezneho Flensburga. Zarjadowarjo běchu mustwa – 24 muskich a dźewjeć žónskich – a jich přiwisnikow na kulturny dźeń přeprosyli. Knivsberg je zetkawanišćo, kubłanišćo a wólnočasne srjedźišćo němskeje mjeńšiny w Danskej.