Budyšin (SN/mwe). Po cyłej Sakskej wotmě so wutoru 14. akciski dźeń „genial­social – twoje dźěło přećiwo chudobje“. Mjez wobdźělnikami wot 6. lětnika běchu tež šulerjo Budyskeho Serbskeho gymnazija, Wojerowskeho ewangelskeho gymnazija Johanneum a dalši z Hornjeje Łužicy. Dźěłali su mjez druhim w chorownjach, institucijach, pola rjemjeslnikow, w hosćencu abo pensiji­. Tež w redakciji SN mějachmy dobrowólnika.