Njedostatk fachowcow dale najwjetše wužadanje na polu strowotnistwa

Smochćicy (SN/bn). Pobrachowace fachowe mocy su nadal najwjetše wuža­danje, zaručić strowotniske zastaranje – a to nic jenož, ale předewšěm tež w Hornjej Łužicy. Toho běštaj sej jednaćel Hornjołužiskich klinikow Reiner E. Rogowski a jednaćel hornjołužiskeje Carity Torsten Bognitz přezjednaj. Wonaj běštaj wčera we wobłuku Smochčan­skeho foruma w tamnišim kubłanišću swj. Bena wo stawje a přichodźe strowotnistwa w regionje diskutowałoj. Dalšej ćežišći podijoweje rozmołwy běchu wuskutki aktualneje pandemije na poło­ženje w chorownjach a hladanju kaž tež powołansko-specifiska winowatosć šćěpjenja w medicinskim wobłuku.