Biskopicy. Syć za dźěći a młodźinu w Biskopicach (KiJu) skedźbnja na to, zo móža so zajimowane iniciatiwy, towarstwa a organizacije wotnětka za nowu dobu Partnerstwa za demokratiju w Budyskim wokrjesu požadać. Program spěchuje projekty a ideje, kotrež přisporjeja mjezsobny respekt kaž tež tolerancu napřećo druhemu na dobro sprawnišeje a bóle demokratiskeje towaršnosće. Nazorniše informacije nadeńdźeće pod: www.pfd-lk-bautzen.de/Bündnis.

Rozmołwa na hrodźe

Wojerecy. W swojej prěnjej Rozmołwje na hrodźe w aktualnym nazymskim semestrje chce Wojerowska ludowa šula „za kulisy“ hibanja reichsbürgerow „pohladać“. Na zarjadowanju srjedu, 18. septembra, w 19 hodź. w Hrodźe a měšćanskim muzeju Wojerecy, chce referent ­Sebastian Trept, politiski wědomostnik z Drježdźan, wšitkim zajimcam tutu tematiku znazornić. Mjez druhim chce pokazać, kak móžemy z argumentami reichsbürgerow lěpje wobchadźeć. Zastup je darmotny.

Wulka bursa za zběraćelow