Za Worklecy hrajachu: Beno, Jakub a Ławrjenc Bobka, Marko Brězan, Clemens a Ludwig Eckert, Stephan Gedik, ­Jurij Lipič, Marcel Rjelka, Daniel Wałda a Šćěpan Wjeńka

Najlěpša powěsć dnja steji hižo w nadpismje. Druha zwjeselaca pak bě ideja Worklečanskich wolejbulistow, na kóždym domjacym hrajnym dnju zběrać pjenjezy za dźěćace hospicne dźěło. Tuta wulkotna akcija wunjese tydźenja 50 ­eurow. Wutrobny dźak wšěm darićelam.

Viktoria Worklecy – VfL Pirna-Copitz 0:3 (14:25, 20:25, 11:25)

Nětko pak k prěnjej hrě. Prěni přećiwnik hrajneho dnja bě načolnik tabulki VfL Pirna-Copitz. Wot prěnjeho wokomika sem dominowachu hosćo hru. Wosebje z jich wótrymi nadaćemi mějachu domjacy w přiwzaću hoberske problemy. Pirnačenjo wopokazachu so jako derje zahrate mustwo a nawjedowachu spěšnje z 5 do 7 dypkami. Sadźbowe dobyće ze 14:25 bě absolutnje zasłužene.