Načolny gremij so skonstituował
Nowe zwjazkowe předsydstwo Domowiny (ZP) je so pjatk popołdnju w Budyskim Serbskim domje a online skonstituowało. Z tym je gremij po hłownej zhromadźiznje swoje wotnětka hač do lěta 2029 trajace dźěło zahajił.
Budyšin (SN/mb). „To tak hišće njejsmy měli“, praješe předsyda Domowiny Dawid Statnik: Hakle loni wuzwolena zapósłanča CDU w sakskim krajnym sejmje Elaine Jenčec sposrědkowa čłonam načolneho gremija třěšneho zwjazka Serbow oficielnu pisomnu gratulaciju. W spisu mjez druhim zwurazni: „Sym přeswědčena, zo wuskutkujeće ze swojim angažementom a swojej rozpalitosću wjele pozitiwneho za serbsku kulturu, naš region a ludźi. Za to přeju Wam trěbnu móc, wotewrjenych partnerow a inspiraciju za přichodne wužadanja.“
Skutkowanje Zejlerja a Skale wažnej pućnikaj do přichoda
Po zakónčenych wólbach spočatk měrca su so čłonojo a sympatizanća Serbskeho sejma sobotu popołdnju na konstituowace posedźenje we Łazu zešli a druhu legislaturu zahajili.
Łaz (AK/SN). Dwanaće zapósłancow z Delnjeje a runje telko z Hornjeje Łužicy parlamentej 2. Serbskeho sejma přisłuša. Na konstituowacym posedźenju we Łazowskej radnicy wobzamknychu jednohłósnje jednanski porjad kaž tež manifest jako zakład dalšeho dźěła. Nimo toho su so z naćiskom přiručki zaběrali, w kotrejž chcedźa wšitke dotal zdźěłane zakłady sejma zapřijeć.
Naposledk je wšo kaž přeco – prawje tak?
23. hłowna a wólbna zhromadźizna Domowiny zašłu sobotu w Budyšinje bilancowała a rozsudy za přichod tworiła
Poprawom běchu dešć připowědźili, a zymny wětřik. Sobota spočatk apryla pak njeje ani šěra ani wulce zymna – jako so delegatki a delegaća 23. rjadneje hłowneje a wólbneje zhromadźizny Domowiny na ležownosć Serbskeho ludoweho ansambla nawaleja, to so jedyn abo druhi z nich nad rjanym nalětnim wjedrom wjeseli. Jedna abo druhi pak so nětko snano tež mjerza, wšako by přihódne wjedro tež dźěło w zahrodce wolóžiło. Wšojedne, woni tu nětko su a tak spěšnje tež zaso domoj njepojědu. Plan wotběha w delegatnych mapach wěšći wšěm, zo drje budu hakle pózdnje popołdnjo zaso doma. Tohodla nětkole najprjedy raz kofej a wjesoła rozmołwa ze wšěmi tymi, kotrychž njejsu dołho hižo widźeli.
Dołho so hižo widźeli njejsu
Kandidaća za zwjazkowe předsydstwo so předstajeja (4)
Na hłownej zhromadźiznje Domowiny přichodnu sobotu wuzwola delegaća nowu zestawu gremija
Jan Kliman
staroba: 18 lět
powołanje: šuler
towarstwo: Serbske młodźinske towarstwo Pawk
Kak dołho sće hižo čłon zwjazkoweho předsydstwa?
Kandiduju prěni raz.
W kotrych druhich towarstwach/zjednoćenstwach sće aktiwny?
Nimo Pawka sym tež čłon Serbskeho folklorneho ansambla Wudwor a čłon Budyskeje wokrjesneje šulerskeje rady.
Čehodla chceće so w Zwjazkowym předsydstwje Domowiny angažować?
Chcu so w zwjazkowym předsydstwje za zajimy serbskeje młodźiny zasadźować.
Wizija – hač do 2100 chcemy 100 000 rěčnikow zdobyć. Što je Waša wizija za 2100?
Chcu, zo njezaznawamy w přichodźe Serbow jako wohroženy, ale jako rosćacy lud. Dale chcu, zo njedyrbja młodźi Serbja w Budyšinje hižo strach měć serbsce rěčeć.
Dawid Statnik – kandidat za předsydu
staroba: 41 lět
powołanje: mišter za zabawjensku techniku/jewišćowy mišter, předsyda Domowiny
Kotre towarstwa was namjetuja?
Kandidaća za zwjazkowe předsydstwo so předstajeja (3)
Na hłownej zhromadźiznje Domowiny přichodnu sobotu wuzwola delegaća nowu zestawu gremija
Beno Bělk
staroba: 69 lět
powołanje: žurnalist/rozhłosownik, wuměnkar
towarstwo: Zwjazk serbskich spěwarskich towarstwow
Kak dołho sće hižo čłon zwjazkoweho předsydstwa?
Sym wot lěta 2021 čłon.
Sće aktiwny w dalšich towarstwach?
Sym čłon chóra Meja a sportoweho towarstwa ST 1922 Radwor.
Čehodla chceće so w Zwjazkowym předsydstwje Domowiny angažować?
Serbskosć mojeje domizny mi jara na wutrobje leži. W Domowinje mam dobru móžnosć sobu přemyslować a wo tym rozsudźeć, kak hodźeli so wšelake naležnosće na dobro Serbow rozrisać. Nochcu jenož přihladować.
Što su po wašim měnjenju najwažniše temy serbskeho ludu?
Móžno, zo budu nas w přichodnym času mjeńše horncy spěchowanskich pjenjez zaběrać. W hóršim padźe snano tež změna serbskeje struktury. Při wšěm pak kedźbujmy zhromadnje na to, zo wostanje woprawdźita dwurěčnosć w zjawnosći prezentna. Za to trjebamy sebjewědomych Serbow runje tak kaž Němcow, kotřiž so za nas zasadźuja.
Statnik hižo prěnje rozmołwy ze zapósłancami wjedł
Kubłanje w župje nadal wažna tema
Budyšin (SN). Čłonojo předsydstwa župy „Jan Arnošt Smoler“ Budyšin zeńdźechu so wčera na měsačne wuradźowanje. W zwisku z přihotami na hłownu zhromadźiznu Domowiny wujasnichu w rozmołwje z kubłanskej referentku Katrin Suchec-Dźisławkowej, zo je wutworjenje serbskich rjadownjow w nowych dźěłowych směrnicach Domowiny zakótwjene. To zdźěli regionalna rěčnica Katja Liznarjec. Kito Hendrich, čłon župneho předsydstwa, připowědźi, zo zeńdźe so 6. apryla iniciatiwna skupina wjesnjanow w domje Měrćina Nowaka w Njechornju. Zhromadnje z čłonami župneho předsydstwa chcedźa dźeń wotewrjenych duri přihotować. Tutón so 17. meje wječor wot 18 hodź. wotměje.
W juniju woswjeća w Malešecach 800 lět prěnjeho naspomnjenja. Serbske poskitki přihotuje Domowinska skupina, regionalna rěčnica ju podpěruje. Na žurli hosćenca „K wódnemu mužej“ budźe 15. junija wustajeńca wo towarstwowym žiwjenju we wsy. Dale chcedźa z hosćimi jejka wóskować. W swjedźenskim tydźenju chcedźa chóry z regiona hromadźe spěwać, swjedźenski ćah budźe 22. junija.
Rekord wopytowarjow na přijeću w Serbskim seminarje
Praha (SN). Na lětušim nalětnim přijeću kontaktneho běrowa Swobodneho stata Sakskeje w Praze je so 135 wopytowarjow wobdźěliło. Kaž zarjadowarjo zdźělichu, bě to rekord wopytowarjow. Zabawny wječor w historiskim Łužiskim seminarje měješe čěsko-serbsku temu.
W swojej narěči pokaza zastupowacy kulturny minister Čěskeje David Kašpar na hłuboku zwjazanosć mjez Čěskej a Sakskej. „Kulturne partnerstwo zwjaza ludźi geografisce, ale předewšěm jich daloko sahace kulturelne herbstwo skrući.“ Nawodnica wobłuka kultura a turizm w Sakskim statnym ministerstwje za wědomosć, kulturu a turizm Franziska Brechowa wuspěšne zhromadne dźěło na polu turizma wuzběhny, kotrež ma so lětsa dale wjesć.
Kandidaća za zwjazkowe předsydstwo so předstajeja (2)
Na hłownej zhromadźiznje Domowiny spočatk apryla wola delegaća nowu zestawu gremija
Diana Wowčerjowa
staroba: 50 lět
powołanje: wučerka, nawodnica Wyšeje šule „Dr. Marja Grólmusec“ Radwor
towarstwo: župa „Michał Hórnik“ Kamjenc
Kak dołho sće hižo čłonka zwjazkoweho předsydstwa?
Sym čłonka z lěta 2017.
W kotrych druhich towarstwach/zjednoćenstwach sće aktiwna?
Sym županka Kamjenskeje župy, čłonka NuPraKo, chóra „Meja“, čłonka předsydstwa Serbskeho šulskeho towarstwa a čłonka přirady Ludoweho nakładnistwa Domowina
Čehodla chceće so w Zwjazkowym předsydstwje Domowiny angažować?
Dźěło mi njesměrnje wulke wjeselo čini. Móžu wjele z toho wuzbytkować: wědu, nazhonjenja, zaznawanja a tež kontakty, kotrež mi zaso na dźěle, w župje, w SŠT a w druhich zjednoćenstwach a towarstwach dale pomhaja. Nimo toho wobradźa mi wulke wjeselo, so z druhimi rozmołwjeć a wuměnjeć, nic naposledk jich informować a motiwować za skutkowanje w serbskich gremijach, towarstwach a zjednoćenstwach na dobro Serbow.
Što su po wašim měnjenju najwažniše temy serbskeho ludu?
Janhoefer dale za Serbow aktiwny
„Mi je so dźěło we workshopach spodobało. A mi je so lubiło, zo je zwjazkowe předsydstwo po cyłej Łužicy pućowało.“ To praješe Wylem Janhoefer na kóncu swojeho – po dwanaće lětach – poslednjeho posedźenja jako čłon zwjazkoweho předsydstwa zašły pjatk w Chrósćicach. Nan małeje holcy chce wjac chwile za swoju swójbu měć. Tohodla njebudźe hižo na hłownej zhromadźiznje za mandat w nawjedowacym gremiju třěšneho zwjazka kandidować. Njedawno wšak bu znowa do předsydstwa župy Delnja Łužica woleny, tuž wostanje w narodnej organizaciji dale prezentny. Jara aktiwny je nimo toho jako čestnohamtski zamołwity za serbske naležnosće w hamće Bórkowach, kotremuž šěsć gmejnow přisłuša. Janhoefer bydli w najwjetšej z nich, w Bórkowach, pochadźa pak z Prjawoza.
