Wot spočatka junija ma Krabatowe towarstwo projektoweho managera. Jens Tiekenheinrich pochadźa z Nižosakskeje. Hižo štyri lěta bydli wón z mandźelskej w Ćisku. „Mi wosobinsce je wažne, z ludźimi hromadźe dźěłać, zwiski nawjazać a tak něšto docpěć“, formuluje wón sam swoje ambicije w nowej funkciji. 58lětny ma mnohotne nazhonjenja w teamowym dźěle. Wšako je wón w tu- a wukraju za mjeńše a wulke předewzaća dźěłał.