Wo kubłanju a brunicy
Kotry božodźěsćowy štom je za mnje prawy? (2. dźěl a kónc)
Kóžde lěto do hód znowa rěka sej božodźěsćowy štom wupytać. A tón ma jasne kriterije spjelnić. Tak njesmě přešěroki, přemałki abo přewulki być. Wosebje njesmě přezahe jehlički pušćeć a dyrbi dołho dźeržeć. Na tymle městnje předstajimy wam dźensa dwě dalšej družinje jehlinowcow, kotrež so derje jako hodowny štom do bydlenja hodźa. Dźensa: módry šmrěk a nordmannska jědla.
Módry šmrěk, ludowje módra jědla mjenowany, je jara woblubowany hodowny štom. Přiwšěm je jón nordmannska jědla z načolnistwa najwoblubowanišich božodźěsćowych štomow wutłóčiła. Módry šmrěk ma mjenujcy njelěpšinu: Jehlički su jara kónčkojte a chětro kałate. Toho-dla mjenuja jón tež kałaty šmrěk. Kohož pak jehlički njemyla, tón dóstanje hodowny štom za relatiwnje tuni fenk. Wšako ze swojimi módrošěrymi jehličkami tež chětro atraktiwny wupada. Nimo toho wuprudźa typisku hodownu wóń.
Protyka (11.12.20)
Sobotu 12.12. 11:00 Online-wuradźowanje Serbskeho sejma
18:00 Žiwy adwentny kalender Radworskeje wosady w tamnišej cyrkwi
Wutoru 15.12. 18:00 Online-konferenca Smochčanskeho kubłanišća swj. Bena wo sćěhach korony w cyrkwi na temu „Kotry wliw ma korona na Bože słužby“
19:00 Zhromadźizna zaměroweho zwjazka za wopłóčki Při Klóšterskej wodźe w Chróšćanskej „Jednoće“
Srjedu 16.12. 18:00 Žiwy adwentny kalender Radworskeje wosady w tamnišej cyrkwi
Sobotu 19.12. 13:30 Delnjoserbski magacin Łužyca w telewiziji RBB
18:00 Žiwy adwentny kalender Radworskeje wosady w tamnišej cyrkwi
Njedźelu 20.12. 9:30 Kemše k měrowemu swětłu 2020 w Slepjanskej cyrkwi
Pokiw (11.12.20)
Koncertuja w Baćonju
Budyšin. Třeću adwentnu njedźelu, 13. hodownika, wobrubja wuměłcy Serbskeho ludoweho ansambla adwentny nyšpor w Baćońskej cyrkwi. Smyčkowy kwartet SLA, Jochen Hentschel na pišćelach kaž tež spěwnaj solistaj Mira Walerych-Szary a Mikołaj Jan Walerych prezentuja mjez druhim twórby Hinca Roja, Bjarnata Krawca a Johanna Sebastiana Bacha.
Rozhłós (11.12.20)
njedźelu, hornjoserbsce
11:00 Łužica tutón tydźeń
11:20 Wěra a sekty
11:40 Adwentne woknješko:
Dźěsći kapitana Antifera (3)
12:00 Nabožne wusyłanje
(Měrćin Deleńk)
po tym zbožopřeća
delnjoserbsce
12:30 Aktualny magacin, mjez druhim wo filmowym festiwalu w Choćebuzu a wo spalenju wotpadkow w Janšojcach
13:00 Słuchohra za dźěći „Zhubjene dźěćatko“
13:40 Nabožne wusyłanje
(Manfred Hermaš)
po tym zbožopřeća
Kotry hodowny štom so do mojeho bydlenja hodźi?
Kóžde lěto do hód znowa rěka božodźěsćowy štom wupytać. A tón ma jasne kriterije spjelnić. Tak njesmě přešěroki, přemałki abo tež přewulki być. Wosebje njesmě přezahe jehlički pušćeć a dyrbi dołho dźeržeć. Na tymle městnje předstajimy wam dźensa a přichodny pjatk stajnje dwě družinje jehlinowcow, kotrež so derje jako hodowny štom do bydlenja hodźa – dźensa korkowu a coloradsku jědlu.
Pokiwaj (04.12.20)
Adwentne spěwanje online
Drježdźany. Towarstwo Stup dale wuhotuje „adwentnu hodźinku z dźěćimi“ lětsa online, a to zajutřišim, njedźelu, wot 15 do 16 hodź. Na programje steja zhromadne spěwanje, hodowna stawizna a bjesada. Internetna adresa je www.edudip.com/de/webinar/stup-dale-drjezdzany-adwentne-spewanje/564810. Tam pokazaja potom tež pod hesłom „Hody pola nas doma“ nastate rysowanki a wobrazy dźěći. Chce-li so něchtó krótkodobnje na akciji wobdźělić, móže hišće hač do jutřišeje soboty namjety na pósłać.
Wirtuelna knižna premjera
Rozhłós (04.12.20)
njedźelu, hornjoserbsce
11:00 Łužica tutón tydźeń
11:15 Adwentna hudźba
11:40 Adwentne woknješko:
Dźěsći kapitana Antifera (2)
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z rozmołwu z prawym rumpodichom
13:00 Dźeń swjatoh Mikławša tu a druhdźe na swěće
13:40 Nabožne wusyłanje
( Till Wojtow)
po tym zbožopřeća
Pjenjezy we Wuhladku
Do- a hodowny čas je tež čas bajkow. Nimale wšědnje pokazuja ...
Do- a hodowny čas je tež čas bajkow. Nimale wšědnje pokazuja telewizijne sćelaki sfilmowanja znatych bajkow. A stawizna wo Popjelawce je kóžde lěto pódla. Sfilmowanje po předłoze Čechowki Boženy Němcoveje stej filmowej studijej Barrandov Praha a DEFA Babelsberg před dokładnje 48 lětami natočiłoj. Stawizna „Tří oříšků pro Popelku“ abo „Tři worješki za Popjelawku“ z Rolfom Hoppu jako kral, Karin Lesch jako kralowna a hłownymaj akteromaj Libušu Šafránkovej jako Popjelawka a Pavelom Trávníčekom jako princ, a wězo ze swětoznatej hudźbu z pjera Karela Svobody je wobstatk kóždolětneho hodowneho telewizijneho programa. Tak je to tež lětsa. Tuž smy wam jako wosebity serwis wšitke lětuše wusyłanske terminy znosyli a je wam tule jako přehlad k wutřihanju poskićamy:
29.11.2020: 14:03 ARD
6.12. 2020: 17:25 MDR
13.12. 2020: 13:20 WDR
20.12. 2020: 12:05 BR
20.12. 2020: 14:15 ONE
20.12. 2020: 15:05 NDR
24.12. 2020: 12:15 ARD
24.12. 2020: 16:05 NDR
24.12. 2020: 18:50 ONE
24.12. 2020: 20:15 WDR
24.12. 2020: 22:30 SWR
24.12. 2020: 23:15 RBB
25.12. 2020: 11:15 ARD
25.12. 2020: 20:15 NDR
26.12. 2020: 16:05 MDR
26.12. 2020: 16:40 ONE
27.12. 2020: 12:00 KiKA
1.1.2021: 16:30 RBB
6.1.2021: 8:05 BR
Přejemy wam wšitkim wjele wjesela při hladanju. Štóž pak njemóže dočakać, móže hižo raz tule z pomocu qr-coda na čěskosłowaksko-němsku produkciju pohladać.
