Zapokazaja superintendenta
Hodźij. Ze swjedźenskej Božej mšu w Hodźijskej cyrkwi swj. Pětra a Pawoła budźe na reformaciskim dnju, 31. oktobra, w 14 hodź. nowy serbski superintendent Krystof Rummel do zastojnstwa zapokazany. 47lětny naslěduje superintendenta Jana Malinka, kiž je so w lěću na wuměnk rozžohnował. Rummel je dwanaće lět dołho Hodźijski wosadny farar a budźe dźěło tež dale wukonjeć. Tu je hakle jako dorosćeny serbšćinu nawuknył. Do toho bě mjez druhim jako młodźinski farar w Rudnych horinach skutkował.
Dalši žarowanski kruh
Chrósćicy. Žarowanskaj přewodźerjej Regina Krawcowa ze Smječkec a Tomaš Pěčka ze Sernjan poskićataj znowa serbski žarowanski kruh. Prěnje zetkanje budźe štwórtk, 5. nowembra, w 17 hodź. w Chróšćanskej putniskej hospodźe. Zajimcy měli so pola hospicneje słužby w Kamjencu pod tel. čisłom 0 35 78 / 37 43 12 abo pola Reginy Krawcoweje pod čisłom 01 74 / 7 01 94 87 přizjewić.
Wustajeńca pozdźišo
Z Wjelećina pochadźacu Evu Gaeding znaja mnozy jako swobodnu awtorku, mjez druhim skutkuje za sćelak MDR. Poprawom pak je wona studowana molerka. Jeje twórba „Acker“ na aktualnym titulu Rozhlada poda dohlad do jeje skutkowanja. Archeologowka Katharina Schmeiduch dźěła wot julija w mjeztym zaso wotewrjenym Radušanskim słowjanskim hrodźišću. W interviewje powěda wo archeologiji, wo swojim slědźerskim projekće – zwukowych šćerkotawach – a wězo wo swojim nowym městnje skutkowanja.
Nastupajo napjate połoženje kornakrizy dla dóńdźe w někotrych serbskich katolskich wosadach k změnam. Tak změja w Chrósćicach njedźelu zaso po zwučenym wašnju kemše. Božu słužbu wusyłaja w interneće přez livestream. Wotpowědny link Katolski Posoł pod www. posol.de wozjewi. Kaž pak farar Měrćin Deleńk zdźěli, nyšpor ze žohnowanjom rowow Wšěch swjatych njedźelu njebudźe, jón na pozdźiši termin přestorča.
W Radworju změja na swjedźenju Wšěch swjatych njedźelu, 1. nowembra tež zaso kemše po zwučenym wašnju w 9 hodź. (serbsce) a w 10.30 hodź. (němsce). Žohnowanje rowow 1. nowembra tam a 2. nowembra w Zdźěri tohorunja njebudźe. Wobrjad pozdźišo nachwataja. K wopomnjeću Chudych dušow póndźelu, 2. nowembra, budźe w Radworju Boža mša we 18.30 hodź. W Zdźěri kemšow njebudźe. Cyrkej w Radworju je wodnjo stajnje k wosobinskemu modlenju wotewrjena, zdźěla Katolski Posoł.
W Ralbicach su kemše na swjedźenju Wšěch swjatych njedźelu, 1. nowembra, w 10.30 hodź. Nyšpor je w 14 hodź. Boža mša k wopomnjeću Chudych dušow z požohnowanjom rowow njebudźe póndźelu, 2. nowembra, ale pozdźišo.
1 oktober, 2 městno plahowanja
wina, 3 pječe chlěb, całty
4 Brennstoff serbsce
5 dźěła w piwarni
6 silwesterski praskotak
7 předmjeno kanclerki
8 francoski prezident
9 bjezwědomje
Pjatk 30.10. 19:00 Hłowna zhromadźizna Konječanskeho hońtwjerskeho drustwa w tamnišej Burskej stwě
19:30 Premjera němskeho krucha „Gott“ Ferdinanda von Schiracha na hłownym jewišću Budyskeho NSLDź
Sobotu 31.10. 9:30 Kemše na reformaciski dźeń z predikantku Kerstin Hanusch w Slepjanskej cyrkwi
10:00 15. wuměłstwowe wiki we Wojerowskej Łužiskej hali
14:00 Zapokazanje fararja Krystofa Rummela do zastojnstwa jako nowy serbski superintendent w Hodźijskej cyrkwi
14:00 Serbska namša w Prjawozu
19:30 Premjerne předstajenje baleta Serbskeho ludoweho ansambla „W stwičce“ w Budyskim Dźiwadle na hrodźe“
njedźelu hornjoserbsce
11:00 Łužica tutón tydźeń, mjez druhim z powěsćemi tydźenja
11:20 Serbski chemikar Reinhard Kušk z Hórkow
11:45 Zapokazanje noweho serbskeho superintendenta
12:00 Nabožne wusyłanje
(Wito Sćapan)
po tym zbožopřeća
delnjoserbsce
12:30 Aktualny magacin, mjez druhim wo ponowjenym Choćebuskim Serbskim muzeju
13:00 Hudźbne pućowanje po Ruskej
13:40 Nabožne wusyłanje
(Christiana Piniekowa)
po tym zbožopřeća