W nakładnistwje dźěłamy tuchwilu na nowej knize wo Chrósćicach, kotraž ma klětu w juniju składnostnje 800. jubileja wuńć. Nimo zajimawych nastawkow k mnohim aspektam wosadneho wuwića wobsahuje kniha tež rjad putacych fotow ze zańdźenosće. Tola mnoho starych fotow pozhubja nažel na hódnoće, ručež nichtó wjace njewě, štó je na nich zwobraznjeny. Jedne z tutych fotow pokazuje syłu šulerjow Chróšćan šule w lěće 1937. Fotografiju je zdźědźił Tadej Šiman wot swojeho njeboh nana Jana Šimana, kotrehož wuhladamy w zadnim rynku (čo. 16) jako tehdy někak dźesaćlětneho hólčeca. Pomhajće nam dalše mjena zwěsćić a je tutej impozantnej zběrce serbskich wjesnych dźěćacych mjezwočow přidać, zo bychmy je za přichodne generacije zachowali!
Štó znaje šulerjow a wučerjow Chróšćan šule w lěće 1937?
Je tež něchtó z wašeho přiwuznistwa abo znajomstwa na foće zwobraznjeny? Snano skića so wam w hodownym času přijomna składnosć, so ze swójbnymi stawiznami zaběrać a sej k přirunowanju mjezwočow raz stary album do ruki wzać?
Cyłkowny wobraz nadeńdźeće tule.
Deleka nadeńdźeće wotpowědny formular za zapodaće mjenow. Prošu zapisajće:
Tu hodźa so wobrazowe dataje składować.
Alternatiwnje móžeće nam tež rady whatsappku abo mejlku napisać.
