Estetika pod hamorom
Wo knihach a kniharni (08.10.21)
BESTSELLER – wšitcy chcedźa jón měć: awtorki a awtorojo, nakładnistwa a kniharnje. Kotra kniha tutón komercielny wuspěch docpěje, wšak móžeš do jeje wuńdźenja w najlěpšim padźe wěšćić. Tola kelko razow dyrbi so wona scyła předawać, zo směła so bestseller mjenować? W Němskej smě to wot 100 000, w Čěskej wot 10 000 předatych eksemplarow. A w Serbach? Spytajmy to wuličić:
Rejuja w Pólskej, we Łužicy hudźa a spěchuja
Budyšin (SN/bn). Po dołhej přestawce prezentuje so Serbski ludowy ansambl zaso raz we wukraju. We wobłuku „2. mjezy překročaceho festiwala mnohich kulturow“ chcedźa jeho rejwarki a rejwarjo 15. oktobra na žurli Stareho dźiwadła w Bolesławiecu wjacore folklorne choreografije předstajić. Planowane su nimo toho wustupy cyłkow mjez druhim z Pólskeje, Madźarskeje a Słowakskeje. Nošer festiwala je wokrjes Bolesławiec, kotryž jón jako dźěl projekta „Mjezynarodna folklorna scena – festiwal Budyšin a Bolesławiec“ zarjaduje. Pjenjezydawar je Europska unija, spěchowaca festiwal we wobłuku małoprojektow euroregiona Nysa za program Interreg Pólska-Sakska 2014–2022. W samsnym ramiku su hižo nalěto pendant pod hesłom „Tydźeń mnohich kulturow“ w Budyšinje wuhotowali.
Srjedźowěkowski čas dožiwili
Mišterski wukon hudźbnikow
Hudźbnu nazymu wuspěšnje zahajili
Choćebuz (UL/SN). Foyer Choćebuskeho dźiwadła Piccolo bě połnje wobsadźeny, jako su wiolinistka Priscila Baggio Simeoni, gitarist Dan Baron, dujer Karl Berkel a spěwarka Lena Hauptmann předwčerawšim 47. Choćebusku hudźbnu nazymu zahajili. Program wopřiješe nimo twórbow z Južneje Ameriki, Francoskeje a Nowoseelandskeje tež wulět do hudźbnych stawiznow Němskeje demokratiskeje republiki, a to z titulom skupiny Karussell „Wie ein Fischlein unterm Eis“. Zazběh pak tworješe štučka z Łužicy: Dan Baron a Lena Hauptmann prezentowaštaj swoju loni z Němskim popowym a rockowym mytom wuznamjenjenu kompoziciju „Tysac cowanjow“, w stilu bossa nova spisany spěw z delnjoserbskim tekstom. Wuměłcaj běštaj pod hesłom „Serbski jazz“ projekt iniciěrowałoj, z kotrymž chcetaj w tymle žanru „ze swójskimi wjeršemi a zynkami nowe akcenty sadźeć“.
Serbska młodźina do Radworja wołała
Sobotu a njedźelu, 28. a 29. požnjenca před 75 lětami, schadźowaše so wjace hač 4 000 serbskich młodostnych a dalšich Domowinjanow w Radworju na prěnim zetkanju čłonow dźěłowych brigadow a Serbow po wójnje docyła. W lěću 1946 běchu so w serbskich wsach Kamjenskeho a Budyskeho wokrjesa wjesne jednotki Serbskeje młodźiny jako wobstatk narodneje organizacije Domowiny załožili, kotrež młodźinski sekretar třěšneho zwjazka Jurij Brězan jako předsyda cyłkownje nawjedowaše.
Domowinske dźěłowe brigady z Radworja, Šunowa a Pančic-Kukowa zahajichu njedźelu, 7. pražnika 1946, „Akciju Koslow“, z kotrejž su w dobrowólnym dźěle pomhali zakłady za nowotwar w poslednich dnjach wójny zničeneje wsy wotstronić. W přichodnych tydźenjach su tež brigady Serbskeje młodźiny z Jaseńcy, Dobrošic, Konjec, Budyšina a Baćonja a sydom dalšich brigadow zničene abo wobškodźene statoki zaso natwarili abo zwuporjedźeli. Koslowčenjo njech při swojim nowym wopomnišću sylnišo na to mysla!
Maja deficit 600 000 eurow zarunać
Znowa su so čłonojo kulturneho konwenta Hornja Łužica-Delnja Šleska minjeny pjatk w Budyskim Kamjentnym domje schadźowali. Hłowny dypk dnjoweho porjada bě wobzamknjenje klětušeho etata.
Narodniny Smolerjec kniharnje
Italske mjeńšiny starosća so wo zastupnistwo
Serbske Nowiny su dale w předsydstwje Europskeho zjednoćenstwa nowin w mjeńšinowych a regionalnych rěčach (MIDAS) zastupjene.
Triest (SN/JaW). Edita Slezáková wostanje prezidentka MIDAS. Zastupnicy čłonskich mjeńšinowych dźenikow su ju pjatk popołdnju na hłownej zhromadźiznje w italskim Triesće na dalše štyri lěta w zastojnstwje wobkrućili. Slezáková připowědźi, zo „je to poslednja doba jako prezidentka za mnje“, a namołwi, „prezidentstwo dyrbi do młodych rukow“. Dale wobkrućichu čłonojo MIDAS nimo dr. Tonija Ebenera – šefredaktora němskeho dźenika w Južnym Tirolu Dolomiten –, Bojana Brezigara – zastupnika słowjenskeho dźenika w Italskej Primorski Dnevnik –, Martxela Otamendija – šefredaktora baskiskeho dźenika w Španiskej Berria –, Bence Balásza – šefredaktora madźarskeho dźenika w Rumunskej Szabadság tež šefredaktora Serbskich Nowin Janeka Wowčerja jako čłona předsydstwa.
