Profikoparjej pomhataj
Sportowe towarstwa na amaterskej runinje su tež wot koronakrizy potrjechene. Dokelž so sobustawske přinoški njepłaća a pjenjezy sponsorow pobrachuja, maja kluby ćeže z financami. Profikoparjej ze zwjazkoweje ligi staj so na swoje korjenje dopomniłoj a pomhataj nětko SC Boreji Drježdźany. Na homepage Boreje pisaja zamołwići: „Tež pola SC Boreje je korona swoje financielne slědy zawostajiła. Sponsorojo maja ćeže, podruže so njepłaća, koparske campy so njepřewjedu a nowi sobustawojo startuja z treningom město po jutrach nanajzašo w lěću.“ Ale płaćenje honorarow za trenarjow a nazwučowarjow je znajmjeńša za dwaj měsacaj zawěsćene, a to dźakowano dwěmaj profikoparjomaj, kiž staj w Drježdźanach hrałoj, a kiž staj nětko konkurentaj. Staj to Toni Leistner a Tony Jantschke. Rodźeny Wojerowčan Jantschke je mzdy za měsac měrc přewzał a w krajnej stolicy Sakskeje rodźeny Leistner mzdy za apryl.
Wosebita akcija w stadionje
Sami sportować a z tym šulerce pomhać
Serbski Sokoł z.t. a Spěchowanske towarstwo Serbskeje wyšeje šule „Michał Hórnik“ Worklecy z.t. startujetej dźensa zhromadnje sportowu akciju třěšneho zwjazka serbskich sportowčow a sportowcow. Wona ma runočasnje socialny projekt na Worklečanskim kubłanišću podpěrać. Z Milanom Funku, starostu Serbskeho Sokoła, je so Jurij Bjeńš rozmołwjał.
W tutych kurioznych sportowych časach, w kotrychž dožiwjamy najwšelakoriše sportowe akcije z a bjez wubědźowanskeho charaktera, su so tež serbscy Sokoljo na wosebite sportowe wubědźowanje zwažili ...
M. Funka: Nam bě so dopowědało, zo je planowany sponsorowy běh na Serbskej wyšej šuli „Michał Hórnik“ Worklecy wupadnył. Tež šulski sport a z tym zwisowace šulerske wubědźowanja njesmědźa tam hižo wjacore tydźenje dołho přewjesć, a to tež w přichodnych tydźenjach směć njebudu. Tuž smy wo tym přemyslowali, kak móhli pomhać.
Čehodla zhromadny projekt Serbskeho Sokoła, třěšneho zwjazka serbskich sportowcow, ze Spěchowanskim towarstwom Serbskeje wyšeje šule „Michał Hórnik“ Worklecy?
Widźał, słyšał, napisał (14.04.20)
Sportowa kolumna bjez tuchwilu najčasćišo wužiwaneho słowa. To so mi dźensa jenož radźi, dokelž sym přinošk hižo před měsacomaj srjedź wulkeho róžka napisał a hinašeje temy dla znowa zapołožił.
Ně, nikoho w zjawnosći njepřeradźu. Haj, wšitkim město přerady poskićam, zo Wam Waše němske sportowe pokiwy, němske sportflajery abo někajke němske Instagrami a Facebookposty, kotrež maja sportowy pozadk, přełožu. Sym so do hodowneho sportowanja, w času mjez hodami a nowym lětom kaž tež po tym chětro na Waše němske wabjenja za sportowe zarjadowanja za Serbow a Němcow mjerzał. „Njebě chwile za serbski přełožk“, abo docyła žana wotmołwa – to běštej zwjetša reakciji na moju kritiku. To tola być njemóže, zo serbscy sportowcy na swoje turněry jenož w němskej rěči přeprošuja! Jenički wupuć, kotryž widźu, je, zo pomham přełožować. Pósćelće mi swoje němske přeprošenja, wabjenja abo flajery, a njebudźe dołho trać, a hižo změjeće wotmołwu.
Sport (09.04.20)
Trajne lisćiki sej zawěsćić
Łužiske lodohokejowe liški su předpředań trajnych zastupnych lisćikow za hrajnu dobu 2020/2021 zahajili. Najebać njejasnu situaciju koronakrizy dla zamołwići z toho wuchadźeja, zo budźe 11. septembra 2020 prěni lodohokejowy hrajny dźeń. Na tutón datum su planowanja tež wusměrjene. Wšitcy wobsedźerjo trajnych zastupnych lisćikow zašłeje hrajneje doby su hižo z mejlku abo z listom informowani. Woni smědźa zaso městno dóstać, kotrež su w sezonje 2019/2020 rezerwonane měli. Próstwu wo kartki w jednaćelni Liškow w Běłej Wodźe wosobinsce wotedać pak tučasnje móžne njeje. Móžeće ju do póštoweho kašćika połožić abo z mejlku na pósłać.
Běh po Krakečanskich hórkach
W Oberhofje přihotuja swětowy cup
Po sezonje je do sezony, rěka na polu najwšelakorišich sportowych družin. Po swětowym cupje je do swětoweho cupa, rěka nětko tež w Oberhofje. Tam su mjenujcy w januarje swětowy biatlonowy cup přewjedli. Kilian Hrjehor je někotre fakty nastupajo přihoty na nowy cup klětu zezběrał.
Wid na sezonu 2020/2021
Swětowy biatlonowy cup 2019/2020 je nimo. Kóždy wě, zo je so sezona na wašnje skónčiła, kotrež bychmy sej hinaše předstajili. Najebać tučasny ćežki čas wusměrjeja so zamołwići w Oberhofje hižo dawno na januar 2021, hdyž ma so tam přichodny swětowy cup wotměć. Poprawny start za wubědźowanje pak bě hižo lětsa w januarje, jako zahajichu předpředań lisćikow za klětu. Hač do kónca měrca su sej fanojo hižo 11 250 tiketow zawěsćili.
Nawróć so sylniša/sylniši
Předewzaćel Robert Lejnart, kotryž sportowe towarstwa a jednotki ze sportowej drastu wuhotuje, je wčera akciju T-shirtow Nawróć so sylniša/sylniši startował.
Kupiće-li sej T-shirt, podpěraće swoje sportowe towarstwo, swoju sportowu jednotku abo Serbski Sokoł z.t. T-shirt płaći 19,99 eurow, a twoje sportowe towarstwo, sportowa jednotka abo Serbski Sokoł z.t. dóstanje z toho pjeć eurow! Skazanku směće hnydom pola wotpowědneje kontaktneje wosoby sportoweho towarstwa wotedać. Za Serbski Sokoł z.t. je to Jan Hrjehor pod mejlku .
Tabulki (07.04.20)
Kopańca, wokrjesna wyša liga
1. Drohotka Ramnow 16 44 : 25 38
2. Póst Germania Budyšin 16 44 : 24 36
3. Módro-běli Kulow 18 36 : 21 36
4. LSV Hory 18 43 : 29 36
5. ST Horni kraj-Sprjewja 17 47 : 28 31
6. Sokoł Ralbicy/Hórki 17 30 : 31 25
7. TSV Wachau 18 39 : 35 24
8. ST Hnašecy-Dobruša 18 34 : 38 24
9. SG Großnaundorf 17 33 : 33 23
10. ST Kinspork/Łužnica 18 24 : 27 21
11. Wojerowski FC 17 43 : 40 18
12. TSV Połčnica 17 31 : 51 17
13. Motor Kumwałd 18 42 : 48 16
14. ST Marijina hwězda 17 27 : 45 15
15. Natwar Němske Pazlicy 16 21 : 32 14
16. ST Porchow 18 17 : 48 12
wokrjesna liga, stafla 1
1. Biskopičanske KT II 18 58 : 20 45
2. Arnsdorfske KT 17 57 : 22 41
3. Zeleno-běli Bukecy 16 57 : 25 37
4. TSV Wjernarjecy 16 40 : 27 32
5. FV Ottendorf-Okrilla 17 46 : 35 31
6. ST Wjelećin 16 50 : 35 27
7. ST Kubšicy 17 31 : 23 27
8. SC Großröhrsdorf II 17 47 : 35 26
9. ST Budyšin 18 24 : 45 24
10. TSV Wjazońca 16 31 : 30 18
11. Bretnig-Hauswalde 17 29 : 29 18
12. HZ Huska/Hodźij 16 28 : 40 16
13. SV Frankenthal 17 23 : 38 16
14. Lomn.-Großnaund. II 16 19 : 48 11
15. HZ ST Horni kraj-Sprjewja II/ST Hnašecy-Dobruša II 18 22 : 56 9
16. Germania Budyšin II 18 17 : 71 8
wokrjesna liga, stafla 2
1. HZ Łaz/Běły Chołmc 18 52 : 18 45
2. FSV Łuty 17 60 : 34 41
3. Traktor Malešecy 17 51 : 24 33
4. ST Hlinowc 17 48 : 31 33
5. HZ Lubuš/Bluń 17 37 : 22 31
6. ST Radwor 17 28 : 28 24
7. SJ Njebjelčicy 16 31 : 21 23
8. HZ Wojerowski FC II 17 33 : 29 23
9. ST Wulka Dubrawa 17 29 : 33 20
10. SJ Chrósćicy II 16 31 : 45 20
11. HZ Hórnikečanski jězor 16 37 : 36 19
12. SV Haselbachtal 17 32 : 41 17
13. Nadrózna Hrabowka 17 33 : 51 17
14. SZ Wóslink/Skaskow 17 24 : 43 17
15. Módro-běli Minakał 16 38 : 48 13
16. HZ Rakecy II/Šćeńca 18 15 : 75 4
wokrjesna klasa, stafla 1
1. ST Mały Wosyk 9 31 : 15 25
2. ST Wjelećin II 8 24 : 11 21
3. SG Steinigtwolmsdorf 9 48 : 20 16
4. ST Mały Wjelkow 8 21 : 12 16
Pjeć towarstwow – pjeć hrajerjow – pjeć prašenjow
Koparjo tuchwilu na zjawnych hrajnišćach za kulowatej kožu njehonja, štož je za nich chětro njezwučene. Jurij Bjeńš je so tuž raz w serbskich sportowych zjednoćenstwach naprašował a wot pjeć hrajerjow stajnje pjeć wotmołwow na slědowace pjeć prašenjow dóstał:
(1) Kak zlě za tebje je, zo so trening a hry njewotměwaja?
(2) Trenuješ sam doma? Jeli haj, kak husto a na kotre wašnje?
(3) Hraješ nětko husćišo kopańcu na konsoli abo wužiwaš čas hinak?
(4) Kak měła so dotalna hrajna doba po twojim měnjenju we wašej lize a pola profijow zakónčić?
EC Energija tež hospodarsce potrjechena
Jako Sewjerowuchodoněmski koparski zwjazk (NOFV) wšitke dypkowe hry swojich towarstwow wotsrjedź měrca hač do 19. apryla w zajimje zahaćenja koronapandemije wotpraji, bě kóždemu jasne, zo změje to wulke wuskutki na treningowe wotběhi a na winowatostne koparske duele.
Tak bě spěšnje jasne, zo njezměje na přikład tež FC Energija dypkowe hry pola BFC Berlina (22.3.), pola Chemije Lipsk (12.4.), a njepřewjedźe tež domjacej partiji přećiwo Wackerej Nordhausen a Babelsbergej. Wonej běštej za 5. a 19. apryl předwidźanej. Hač a wosebje kak dale póńdźe, je tučasnje chětro wotewrjene prašenje. Wosebje, dokelž je zhromadny trening na sportowych arealach FCE tuchwilu zakazany. Tak dóstachu wšitcy hrajerjo wosebite časniki za měrjenje pulsa a k nim hodźace so treningowe plany za indiwidualne zwučowanje. Te přewjeduja nětko doma, a to pod stajnej kontrolu trenarjow. Modus móhli tohorunja do kategorije „homeoffice“ sunyć.
