Socialne poradźowanje
Budyšin. Wokrjesny radźićel Lěwicy a prawiznik Hajko Kozel přewjedźe jutře, štwórtk, wot 14 hodź. socialne poradźowanje we wobydlerskim běrowje Lěwicy na Šulerskej 10. Zhromadnje z w socialnym prawje wosebje wobhonjenym prawiznikom Gregorom Janikom skići wón pomoc při rozrisanju problemow, kotrež so často w socialnych prašenjach jewja. Zajimcy njech dojednaja sej termin pod telefonowym čisłom 0171/ 282 54 94.
Z fachowcom do hribow
Kamjenc. Na ekskursiju do hribow přeproša Kamjenski Muzej zapadneje Łužicy sobotu, 26. septembra, wot 14 hodź. Hromadźe z fachowcom a poradźowarjom kołowokoło hribow dr. Siegfriedom Holsteinom z Kinsporka budu wobdźělnicy w prěnim dźělu popołdnja hriby zběrać a w druhim je postajeć. Móžno tón dźeń budźe, čerstwe hriby sobu přinjesć a je wot fachowca postajić dać. Wobdźělenje płaći pjeć eurow na wosobu. Přizjewjenja přijimuja pod telefonowym čisłom 03578/ 7 88 30. Tam zajimcy zhonja, hdźe so ekskursija započnje.
Wustajeńca w cyrkwi
Smochćicy. „Moderne křižowe puće – grafiki, folije a akryle“ rěka wustajeńca, kotruž wotewru jutře, sobotu, w 19 hodź. w Smochčanskej cyrkwi. Přehladku pokazaja składnostnje pjatych posmjertnin dr. Dietmara Wapplera (1938–2010), kiž je eksponaty stworił. K wotewrjenju porěči Budyska galeristka Tanja Böhme, na klawěrje zahraje Astrid Wappler.
Dźakuja so publicistej
Budyšin. W juliju je městopředsyda Zwjazka serbskich wuměłcow Alfons Wićaz 70. narodniny swjećił. Dokelž bě to w dowolowym času, chce so ZSW jemu za lětdźesatki spomóžne dźěło w zwjazku a za skutkowanje jako serbski publicist a žurnalist ze zjawnym čitanjom z hudźbnym wobrubjenjom dźakować. Zajimcy su wutrobnje přeprošeni. Zarjadowanje wotměje so wutoru, 22. septembra, w 19 hodź. w Budyskim hosćencu „Senfstube“ na Hrodowskej 3.
Serbskej chóraj pódla
Pjatk 18.9. 19:00 Premjera knihi Marka Grojlicha „Mjez Křičom a Lubatu“ w Budyšinskim Šěrachowym domje
19:00 Zarjadowanje Domowinskeje skupiny Šunow-Konjecy w Konječanskej Čornakec-Nowakec bróžni
19:30 Předstajenje pasionskeje hry „Wy sće swětło swěta“ w Chrósćicach
Sobotu 19.9. 10:00 Posedźenje Zwjazkoweho předsydstwa Domowiny w Budyskim Serbskim domje
10:00 Dźeń holcy w Budyskim Kamjentnym domje
19:30 Předstajenje pasionskeje hry „Wy sće swětło swěta“ w Chrósćicach
Njedźelu 20.9. 15:00 Koncert kapały Floppy dolls w Lichanju
17:00 Předstajenje Serbskeho ludoweho ansambla
„Słowjan sym“ w Budyskim NSLDź
19:30 Předstajenje pasionskeje hry „Wy sće swětło swěta“ w Chrósćicach
Póndźelu 21.9. 10:00 Předstajenje NSLDź „Čmjeła Hana namaka přećela“ w Sprjejčanskej pěstowarni
19:30 Smochčanski forum wo wobswětowej encyklice bamža w Domje biskopa Bena
Wutoru 22.9 10:00 Předstajenje NSLDź „Čmjeła Hana namaka přećela“ w Chróšćanskej pěstowarni
19:30 Premjera knihi Jurja Kocha „Der Kirschbaum“ w Choćebuskej měšćanskej bibliotece
Srjedu 23.9. 9:30 Předstajenje NSLDź „Čmjeła Hana namaka přećela“ we Wojerowskej zakładnej šuli „Handrij Zejler“
Njedźelu hornjoserbsce
11:00 Łužica tónle tydźeń, mjez druhim wo posedźenju Zwjazkoweho předsydstwa Domowiny
11:10 Čmjeła Hana
11:20 Serbska protyka 2016
11:45 Hudźba k njedźeli
12:00 Nabožne wusyłanje
(Christoph Rummel)
po tym Zbožopřeća
delnjoserbsce
12:30 Aktualny magacin
13:00 Hudźbny portret:
Prof. Dieter Brauer
13:30 Nabožne wusyłanje
(Hartmut Leipner)
13:40 Zbožopřeća
Jutře na premjeru knihi
Budyšink. Historiske podawki a stawi- zny z kónčiny wokoło Malešec wopřijima nowa kniha Marka Grojlicha „Mjez Křičom a Lubatu“, wušła w Ludowym nakładnistwje Domowina, kotraž změje jutře, pjatk, w 19 hodź. w Budyšinskim Šěrachowym domje premjeru. Z mnohich nowinskich wurězkow a literarnych tekstow je Grojlich zabawnu dwurěčnu čitanku zestajał.
Wo Serbach w Kamjencu
Kamjenc. We wobłuku swjedźenskeho tydźenja k 450. róčnicy Kamjenskeje serbskeje cyrkwje swj. Hany přednošuje tam jutře, 18. požnjenca, w 19 hodź. serbski superintendent Jan Malink. Tema jeho přednoška budu ewangelscy Serbja w Lessingowym měsće. Je to zhromadne zarjadowanje Kamjenskeho stawizniskeho towarstwa a tamnišeho cyrkwinskotwarskeho towarstwa.
17.9.–23.9.2015: Fack ju Göhte 2: wšědnje 15 hodź. (nimo pó), 16:30, 17:45 hodź. (nimo pó), 19:30 hodź. (nimo pó a srj) a 20:30 hodź. (nimo pó) | pj a so 22:15 hodź. Everest: wšědnje 14:30, 17 a 19:30 hodź. | pj a so 22 hodź. | w 3 D Honig im Kopf: pó 14:30 hodź. | nj 15:15 hodź. Amy: štw 19:30 hodź. | nj 18 hodź. | pó 17:15 a 20:15 Man lernt nie aus: za žony srj 19:45 hodź. The Rocky Horror Show Live: štw 20 hodź. Maze Runner: srj 19:30 hodź. The Transporter Refueled: pj, so a wu 20 hodź. | nj 20:30 hodź. Hitman: Agent 47: pj a so 23 hodź. Mission Impossible: pj a wu 17:15 hodź. Magic Mike XXL: nj 12:30 hodź. Pixels: wšědnje 15 hodź. (nimo nj) | nj 12:45 hodź. Minions: 12:30 hodź. | w 3 D Der kleine Rabe Socke: wšědnje 14:30 hodź. | nj 12:45 hodź. Jurassic World: pj a so 22.15 hodź.
Kino-ekstra: Men & Chicken: pó 17:15 a 20:15 hodź.
Na nazymske chórowe spěwanje
Budyšin. Na 21. nazymske chórowe spěwanje su zajimcy 19. septembra w Budyšinje přeprošeni. Łužiske spěwne ćělesa zahudźa na wšelakich městnach sprjewineho města. Su to Wojerowski komorny chór, chór Serbskeho ludoweho ansambla, chór srjedźneho schodźenka Serbskeho gymnazija kaž hakle lěta 2012 załoženy Kaleidosowy chór z Habrachćic.
Dalšej dźěłarničce
Budyšin. Spěchowanski kruh za serbsku ludowu kulturu wuhotuje nazymu hišće dwě dźěłarničce. Hižo zajutřišim, pjatk, zahaji so w Žuricach dwudnjowska rězbarska dźěłarnička. Wot 23. do 25. oktobra přewjedu w Choćebuzu grafisku dźěłarničku. Tema wobeju zarjadowanjow je „Krabat“.
Na kofej w třoch do muzeja
Budyšin. Dosć młody je zarjadowanski format Serbskeho muzeja w Budyšinje „Kofej w třoch“. Přichodny raz steji 23. septembra w 15 hodź. pod hesłom „Wobrazy powědaja wo stawiznach“ wuměłska zběrka Serbskeho muzeja w srjedźišću. Přednošuje jeho nawodnica Christina Boguszowa. Zajimcy njech so prošu přizjewja.
Na superkokot
Wječork z wandrowskim
Konjecy. Na zajimawy wječor přeproša Domowinska skupina Šunow-Konjecy swojich čłonow a dalšich zajimcow pjatk, 18. septembra, w 19 hodź. w Konječanskej Čornakec-Nowakec bróžni. Tam porěči Chróšćan Franc Čornak wo swojim třilětnym dyrdomdejskim wandrowanju. A Jan Čornak chce pokazać, kak jeho młóćawa dźěła. Wo ćělne derjeměće budźe tohorunja postarane. Skupinske předsydstwo by so nad bohatym wobdźělenjom wjeseliło.
Sergej Lochthofen čita
Budyšin. Jedne ze zarjadowanjow festiwala Literarne krajiny wotměje so sobotu, 19. septembra, w 19.30 hodź. w Budyskim Dźiwadle na hrodźe. W Ruskej rodźeny žurnalist Sergej Lochthofen přisłuša trećej generaciji němsko-ruskeje swójby, kotraž je stalinizm wot Oktoberskeje rewolucije přez gulag hač k padnjenju murje dožiwiła. W knize „Grau“ rysuje wón na zakładźe swójskeho žiwjenskeho puća zwiski mjez Němskej a Ruskej.