Rejwanski dźeń za dźěći
Kamjenc. Prěni Kamjenski rejwanski klub přeproša dźěći w starobje třoch do dwanaće lět jutře, 27. junija, na rejwanski dźeń. Před a w klubowych rumnosćach na Andreasa Güntherowej 1 steji za nje wot 10 hodź. do 16 hodź. rejwanje pod hesłom „hudźba, pohibowanje a wjeselo“ w srjedźišću. Do rejki přeprošeni su wězo tež jich starši, dźědojo a wowki runje tak kaž přećeljo a dalši zajimcy. Wot 12.45 do 15.15 hodź. budźe wulka tombola z rjanymi mytami.
Město zhromadnje spěwa
Budyšin. Jutře, sobotu, přeprošeja Budyske chóry a hudźbne skupiny wšěch wobydlerjow a přećelow města na zhromadne hudźbne popołdnjo. Wone wotměje so w 15.30 hodź. na Hłownym torhošću. Akterojo chcedźa zhromadnje přećiwo struchłym prawicarskim parolam spěwać. K iniciatoram zarjadowanja słušeja ewangelsko-lutherska wosada Budyskeho tachantstwa, radźićeljo za respekt a zhromadnosć kaž tež Budyske měšćanske zarjadnistwo. Organizatorojo bychu so nad bohatym wobdźělenjom wjeselili.
Stup dale na swjedźenju
Pjatk 26. – 28.6. Tradicionalny Złokomorowski měšćanski swjedźeń na Torhošću Pětra a Pawoła
Swjedźeń serbskeje poezije
19:00 Forum w Budyskim Kamjentnym domje wo azylu
Sobotu 27./28.6. 44. jěchanski a skakanski turněr w Kulowje
Wjesny swjedźeń w Konjecach-Šunowje
11:00 Muzejowa rozmołwa wo twórbach Hansa Salentina w Budyskim měšćanskim muzeju
14:00 Srjedźowěkowski spektakl w Korzymskim hrodowym muzeju
14:00 Wotewrjenje projekta „Krajina w změnje – krajinowa změna“ na Radušanskim hrodźišću
14:00 Skupinje Con-takt a SerBeat hrajetej w Budyskim Serbskim muzeju a w galeriji Budissin
15:00 Wodźenje po galeriji měšćanostow w Budyskim měšćanskim muzeju
15:30 „Budyšin zhromadnje spěwa“ na Hłownym torhošću
Póndźelu 29.6. 18:30 Zhromadźizna zarjadniskeho zwjazka Při Klóšterskej wodźe w Pančicach-Kukowje
Srjedu 1.7. 10:00 Zjawne wodźenje po wowčerni w Kobjelnju
Štwórtk 2.7. 19:00 Filmowy wječor na temu „Wuměłstwo w pohibje“ w Budyskim měšćanskim muzeju
19:30 Premjera knihi „Bilingualer Spracherwerb im Witaj-Projekt“ w Budyskej Smolerjec kniharni
Pjatk 3. – 5.7. 2. Alojsowy festiwal w Radworju
Njedźelu hornjoserbsce
11:00 Łužica tónle tydźeń
11:20 Stipendiaća Załožby za serbski lud
11:30 Wuměłstwowy bus
11:40 Hriwny na DMarki
12:00 Nabožne wusyłanje
(Gerat Wornar)
po tym Zbožopřeća
delnjoserbsce
12:30 Aktualny magacin, mjez druhim wo nowej dźiwadłowej hrě
13:00 Serbska a čěska dujerska hudźba z Moravanku
13:30 Nabožne wusyłanje
(Bernd Pittkunings)
13:40 Zbožopřeća
Za dźěłarničku so přizjewić
Smjerdźaca. Hač do jutřišeho pjatka maja šulerjo 5. a 6. lětnika składnosć, so za dźěłarničku bubnarjow w Rěčnym centrumje WITAJ přizjewić. Dźěłarnička wotměje so 3., 4. a 10. julija w Smjerdźacej. Z młodym hudźbnikom Symanom Hejdušku nawuknu šulerjo bubnować. Wjeršk projekta budźe wustup we wobłuku dźěćaceho programa na folklornym festiwalu 11. julija w Chrósćicach. Nimo bubnowanja čaka na wobdźělnikow lěhwowy woheń, při kotrymž sej sami jědź spřihotuja. Wuměnjenja za dźěłarničku žane trěbne njejsu, započatk je lochki. Zajimcy njech přizjewja so w rěčnym centrumje pod telefonowym čisłom 03591/ 550 400.
Z ministrom diskutować
Budyšin. Pod hesłom „Móžemy so w Němskej hišće wěsći čuć?“ přeproša kandidat CDU za wólby Budyskeho wyšeho měšćanosty Matthias Knaak jutře, pjatk, w 19 hodź. na diskusiju ze zwjazkowym nutřkownym ministrom Thomasom de Maizièrom w Budyskim Kamjentnym domje. Při tym póńdźe wo jězdźidłowu kriminalitu runje tak kaž wo drogowu a wo prašenje dosahaceho wuhotowanja policije. Wobydlerjo su namołwjeni sobu diskutować.
25.6.–01.7.2015: Ted 2: wšědnje 14:45 hodź. (nimo štw, pó a srj), 17:15 a 20 hodź. | pj 22:30 | so 22:15 hodź. Insidious: Chapter 3: pj 22:30 hodź. Rico, Oskar und das Herzgebreche: wšědnje 17:15 hodź. (nimo nj a pó) | nj 13 hodź. | pj, so, nj a wu 15 hodź. Poltergeist: wšědnje 20 hodź. | pj 22:15 hodź. Jurassic World: wšědnje 14:15 hodź. (nimo štw, pó a srj), 16:45 a 19:30 hodź. | so 22:15 hodź. | w 3 D Pitch Perfect 2: wšědnje 17:30 hodź. Spy – Susan Cooper Undercover: wšědnje 19:30 hodź. (nimo nj a pó) | nj 19:45 hodź. Ostwind 2 – Rückkehr nach Kaltenbach: pj, so, nj a wu 15 hodź. | nj 12:30 hodź. Tinkerbell und die Legende vom Nimmerbiest: nj 12:30 hodź. | w 3 D San Andreas: so 22:30 hodź. | w 3 D Mad Max: pj 22:15 hodź. | w 3 D Honig im Kopf: nj 17 hodź. Shaun das Schaf: nj 13 hodź.
Kino-ekstra: A Most Violent Year: pó 17:15 a 20:15 hodź.
Konjecy-Šunow (SN/MWj). Wobydlerjo Konjec a Šunowa njech sej za přichodny kónc tydźenja radšo žane terminy njezaplanuja. Wšako njeměli sobotu a njedźelu, 27. a 28. junija, swój wjesny swjedźeń na dworje Konječanskeho towarstwoweho domu „Delany“ skomdźić. Blidotenisowe towarstwo a wohnjowa wobora na njón přeprošatej.
Sobotu po natočenju piwa přewjedu wot 17 hodź. volleyballowy turněr wjesnych mustwow. Hodźinu pozdźišo móžeš sej pražene dźiwje swinjo słodźeć dać, a w 19 hodź. přizamknje so film za dźěći ze stawiznu wo zajacu a wjelku. Tomu přizamknje so hrajny wječor, kaž z plakata wuchadźa. Po lěhwowym wohenju budźe w 21 hodź. kino za dorosćenych. Njedźelu k tradicionalnemu rańšemu piwku započnje so w 10.30 hodź. wubědźowanje wohnjowych woborow wokolnych wsow. Po zhromadnym wobjedźe pokročuja z volleyballowym turněrom. Popołdnju poskića dźědam a wowkam, ale wězo tež wšitkim dalšim wopytowarjam kofej a tykanc. W samsnym času su dźěći na swój swjedźeń přeprošene. Dale chcedźa so w blidowej kopańcy wubědźować. Wo ćělne derjeměće budźe na woběmaj dnjomaj postarane.
Poradźujetaj darmotnje
Budyšin. Wokrjesny radźićel Lěwicy a prawiznik Hajko Kozel přeproša jutře, štwórtk, wot 14 hodź. na socialne poradźowanje w Budyskim wobydlerskim běrowje Lěwicy na Šulerskej. W socialnym prawje wosebje wobhonjeny prawiznik Gregor Janik jeho podpěruje a pomha z nim zhromadnje při rozrisanju problemow, kotrež so často w socialnych prašenjach jewja. Serbow poradźuje Hajko Kozel rady w maćeršćinje. Zajmcy njech přizjewja so pod telefonowym čisłom 0171/ 28 25 494.
Wěnuja so dawkowemu prawu
Wojerecy. Akademija seniorow Křesćansko-socialneho kubłanskeho skutka přeproša jutře, štwórtk, w 10 hodź. na dalše zarjadowanje na Wojerowskej dźěćacej a młodźinskej farmje. Informaciske zarjadowanje z Berndom Herzgerom wěnuje so dawkowemu prawu. Mjez druhim póńdźe wo to, w kotrym padźe maja rentnarjo kelko dawkow płaćić. Přizjewjenja přijimuja pod telefonowym čisłom 03571/ 979 164.
Přewjedu projektny dźeń
Staciju kniharnje přepołožili
Budyšin. Twarskich dźěłow na Tuchorskej dla njemóže jězbna kniharnja Budyskeje měšćanskeje biblioteki busowe zastanišćo na Weigangowej hač do oktobra posłužować. Mobilna biblioteka zastawa w tym času po planje na Paulijowej.
Wustajeńca k azylej
Budyšin. We wobłuku swojeje witanskeje tury po Budyskim wokrjesu předstaji Lěwica srjedu, 24. junija, wot 11.30 do 13 hodź. na Budyskich Žitnych wikach wustajeńcu na temu ćěkancy a azyl.