Bogusz hru z poslednjej akciju rozsudźił
SJ Chrósćicy –
FV Ottendorf-Okrilla 2:1 (0:0)
Zestawa domjacych: Škoda – Rätze (88. Bjeńš), B. Cyž, Zynda, Mark, L. Zahrodnik (81. Donat), Hawš (56. Matik), M. Zahrodnik, Bogusz, G. Zahrodnik, Młynk (56. Handrik)
Prěnju adwentnu njedźelu witachu Chróšćenjo koparjow z Ottendorfa-Okrille do Chrósćic. Hačrunjež su hosćo w delnim dźělu tabulki zaměstnjeni, mjerzachu lětsa hižo toho abo tamneho faworita. Tuž běchu domjacy hrajerjo warnowani.
Wot spočatka wzachu Chróšćenjo ceptar do ruki a hru postajowachu. Prěnje móžnosće wuhrachu sej po wólnych kopach. Hłójčkowanej bulej Michała Młynka a Bosćija Cyža pak wrotar wotwobara. Tež dalša šansa Młynka po flance padny jenož na pobóčny sak. Na druhej stronje zamóžachu hosćo přeco zaso konterować. Jedyn tajki strašny bul dyrbješe Jakub Škoda wotwobarać, dalši třěl prasny na łatu. Kónc prěnjeho połčasa wuhrachu sej hosćićeljo hišće trójce šansu na wrota. Tola Jan Bogusz, Maksimilian Zahrodnik abo Młynk bul we wrotach njezaměstnichu, wšako hosćo jich třěle stajnje derje blokowachu. Tak podachu so wobaj cyłkaj bjez wrotow do přestawki.
Sokoljo prěni raz dobyli
Šesty wólnočasny wolejbulowy turněr serije „top-sydom“ w Radworju dobychu prěni raz hrajerki a hrajerjo mustwa Sokoła Ralbicy/Hórki před Budyskim Serbskim gymnazijom a Sportowej jednotku Chrósćicy.
Po lěćnej přestawce dojědźe sej sydom wólnočasnych zastupnistwow do Radworja, zo bychu w tamnišej sportowni „Slavija“ dobyćerja při wysokim saku zwěsćili. Hłowny organizator wječora Syman Hrjehor wjeseleše so při wotewrjenju hnydom dwójce. Sprěnja běchu wšitke cyłki tuteje serije přitomne a zdruha bě podźěl wolejbulistkow z třinaće hrajerkami znowa wysoki.
Po dwuhodźinskim boju, w kotrymž hraješe kóždy přećiwo kóždemu stajnje 10 mjeńšinow, wudobychu sej Kulowscy sportowcy z jednym dobyćom sedme městno. Tež wólnočasni wolejbulisća Viktorije Worklecy jenož jónu dobychu, mějachu pak při wuličenju małkich dypkow 16 minusowych mjenje hač Žołto-módri Kulow. Kompliment do Worklec, wšako startowachu tónraz samo ze štyrjomi hrajerkami.
W basketbulowej krajnej lize bě so sobotu wječor hornjołužiski ...
Njebjelčenjo přewšo dominantni
SJ Njebjelčicy –
FSV Łuty II 13:1 (7:1)
Zestawa SJ Njebjelčicy: Weclich D. – Schulze (56. Weclich R.), Reineke A., Hanuza (45. Bjeńš), Hrjehor F., Rudolf (61. Matješk), Čornak, Lehmann (61. Cyž), Plaettner (56. Domš F.), Hrjehor P., Korjeńk P.
W Njebjelčicach wuhrachu poslednju hru do zymskeje přestawki druhe zastupnistwo z Łutow a hosćićeljo z Njebjelčic. Wuchadnej situaciji wobeju mustwow njemóžeštej rozdźělnišej być. Mustwo sportoweje jednotki měješe z 28 dypkami druhe městno w tabulce. Přećiwnik porno tomu steješe z jenož jednym ličakom na poslednim městnje wokrjesneje klasy.
Radworčenjo poslednju hru přěhrali
LSV Hory –
ST Radwor 4:0 (1:0)
Zestawa hosći: Matik – Wjesela, Omran (66. Wjacławk), M. Dźisławk, Wjeńka, Adam (73. L. Pěčak), Měrčink, Paška, Mička, Šnajder (66. Wróbl), C. Dźisławk
W poslednjej hrě lěta dyrbjachu koparjo z Radworja přećiwo druhemu tabulki na Horach hrać. Tuta partija bu wjedrowych wobstejnosćow dla do Kamjenca na kumštny trawnik přepołožena. Hladajo na zašłe hry dyrbjachu so hosćo napinać, zo zaso raz dobudu.
Hižo wot spočatka sem mějachu hosćićeljo wjace hrajneho podźěla. Bohužel falowaše preciznosć w přihrawkach. Hory hrajachu jara měrnje a móžachu ze zaměrnymi přihrawkami Radworski škit přewinyć. Najwjace móžnosćow na tutym dnju mějachu koparjo z Horow. Radworska ofensiwa spytaše přeco zaso před přećiwniske wrota přińć, ale přez přehektiske agěrowanje zhubi so wjele bulow. W 37. min. přećiwniski nadběhowar daloko hraty bul spěšnišo docpě hač wrotar Matik a tak 1:0 trjechi. Krótko po tym měješe Marius Adam šansu na wurunanje. Wón pak zwrěšći na přećiwniskim wrotarju.
Wuslědki (03.12.24)
Kopańca, 3. liga
Arminia Bielefeld –
FC Ingolstadt 041:0 (0:0)
FC Energija Choćebuz –
HZ Unterhaching2:0 (1:0)
Sandhausen –
Dynamo Drježdźany2:4 (2:1)
Hannover 96 U23 –
Borussia Dortmund II 2:0 (1:0)
FC Rudne horiny Aue – SC Verl 2:5 (2:4)
TSV Mnichow – Hansa Rostock 1:2 (1:0)
VfB Stuttgart II –
Waldhof Mannheim2:0 (2:0)
VfL Osnabrück –
TSV Alemannia Aachen 1:1 (1:1)
1. FC Saarbrücken –
Čerwjeno-běli Essen1:0 (1:0)
Wiesbaden – Viktoria Köln 3:1 (1:0)
1. FC Energija Choćebuz 16 37 : 22 30
2. Dynamo Drježdźany 16 30 : 19 29
3. Arminia Bielefeld 16 21 : 13 29
4. 1. FC Saarbrücken 16 22 : 16 29
5. Sandhausen 16 25 : 19 27
6. Wehen Wiesbaden 16 26 : 25 26
7. FC Ingolstadt 04 16 36 : 30 23
8. FC Rudne horiny Aue 16 22 : 28 23
9. Hansa Rostock 16 22 : 19 22
10.Borussia Dortmund II 16 30 : 28 21
11. SC Verl 16 24 : 25 21
12. TSV 1860 Mnichow 16 25 : 27 21
13. Viktoria Köln 16 25 : 25 20
14. Waldhof Mannheim 16 18 : 20 20
15. TSV Alemania Aachen 16 15 : 19 20
16. VfB Stuttgart II 16 23 : 27 19
17. Čerwjeno-běli Essen 16 21 : 27 16
18. Hannover 96 U23 16 19 : 26 15
19. HZ Unterhaching 16 18 : 30 13
20. VfL Osnabrück 16 19 : 33 11
Wažne tři dypki za zdźerženje klasy
Do wolejbuloweho hrajneho dnja w sakskej klasy bě so jasne rozrjadowanje w tabulce pokazało. Štyri mustwa wojuja wo postup, dalši kwartet přećiwo zestupej. A runje dwaj z faworitow běštaj na prěnim adwentnym kóncu tydźenja přećiwnikaj prěnjeho wolejbuloweho mustwa ST Viktorije Worklecy. Žadyn lochki to chlěb! Hrožeše hrajny dźeń bjez dypkow. Ale Worklečenjo běchu bjezstrašni.
ST Viktoria Worklecy –
Póst ST Drježdźany 3:1
(26:24, 25:20, 20:25, 26:24)
Z tutym nastajenjom nastupichu Viktorianorojo prěnju hru přećiwo póštownikam z Drježdźan. Worklečanam poradźi so hač do 22:22 hru dospołnje wurunanu dźeržeć. Kóždy pospyt hosći, so wotsadźić, bu promptnje z přećiwniskim nadběhom wotmołwjeny. Na kóncu prěnjeje sadźby pokazachu domjacy potom jara sylne čuwy. Prěni sadźbowy bul móžachu hosćo hišće wotwobarać, tola w druhim pospyće dobychu skónčnje 26:24.
Nowy Vatikanski magacin
Vatikan (B/SN). Prěnje čisło noweho časopisa z mjenom Petersplatz je kónc nowembra wušło. W nim bamž Franciskus mjez druhim starosćacej so wowce, zo njeje wnučka z pjeć lětami hišće křćena, radźi so modlić a staršimaj dźěsća ničo njenanuzować. Bamž chce w nowym měsačniku na prašenja čitarjow reagować. Hłowne temy budu chudoba, migracija a namóc.
Pytaja kritiske karikatury
Paris (B/SN). Před dźesać lětami bu redakcija satiriskeho magacina Charlie Hebdo wot islamistow nadběhowana, při čimž je dwanaće ludźi swoje žiwjenje přisadźiło. Nětko redakcija po cyłym swěće najlěpše nabožno-kritiske karikatury pyta. Nowina wobroća so na tych, kotřiž nochcedźa wjace we wot Boha a nabožinow wobknježenym swěće žiwi być. Najlěpše karikatury budu wozjewjene.
Njespokojace wuslědki
Widźał, słyšał, napisał (02.12.24)
Awtor dźensa
Tadej Cyž
Sport (29.11.24)
Worklečenjo znowa w Ralbicach
Prěnje wolejbulowe mustwo muži Viktorije Worklecy dyrbi jutře w Ralbicach chětro třepotać. Najprjedy přećiwo mustwu Póst Drježdźan a potom Motor Mickten. Wobě zastupnistwje stej dotal hišće bjez sezonoweje poražki. Prawe wužadanje změje tež druhe wolejbulowe mustwo holcow Viktorije Worklecy. Načolnik wobwodneje klasy hraje přećiwo druhemu tabulki w Reichenbachu.
30.11. 14:00 Viktoria Worklecy –
Post SV Drježdźany (m)
30.11. 16:00 Viktoria Worklecy –
SV Motor Mickten
30.11. 10:00 Neiße Volleys –
Viktoria Worklecy II (ž)
07.12. 14:00 OSSV Kamjenc –
Viktoria Worklecy II (m)
Třeći adwentny turněr
Sportowe towarstwo Módro-běli Kulow přewjedźe přez cyły kónc tydźenja wjacore halowe koparske turněry. Dźensa w 17.30 hodź. startuje wubědźowanje młodźiny E, na kotrymž wobdźělitej so mjez druhim tež cyłkaj FC Energije Choćebuz a Sokoła Ralbicy/Hórki.
29.11. 17:30 młodźina E
30.11. 09:00 młodźina F
30.11. 15:00 młodźina D
01.12. 09:00 młodźina G
Hišće so kopańca hraje
