Krajna liga
FSV Zwickau II – Taucha 4:0 (2:0)
Kamjenc – BSC Freiberg 4:0 (3:0)
Heidenau – FC Grimma 3:0 (2:0)
BSG Chemija – FC Eilenburg 1:3 (1:2)
Glauchau – Markkleeberg 0:2 (0:1)
Rapid Kamjenica – Pirna-Copitz 1:2 (1:1)
Reichenbach – Wocl Riesa 1:1 (1:1)
Hohenstein-E. – Zhorjelc 2:2 (0:1)
1. FC Grimma 2 5 : 2 6
2. Pirna-Copitz 2 3 : 1 6
3. FSV Zwickau II 2 7 : 3 4
4. BSG Chemija 2 5 : 1 4
5. Kamjenc 2 4 : 1 4
6. Markkleeberg 2 5 : 3 4
7. Wocl Riesa 2 3 : 1 4
8. Rapid Kamjenica 2 6 : 2 3
9. Zhorjelc 2 3 : 3 2
10. Reichenbach 2 2 : 3 1
11. Hohenstein-E. 2 2 : 4 1
12. Glauchau 2 1 : 3 1
13. FC Eilenburg 2 1 : 5 1
13. Taucha 2 1 : 5 1
15. Heidenau 2 1 : 4 0
16. BSC Freiberg 2 0 : 8 0
Wokrjesna wyša liga
Kulow – Chrósćicy0:1 (0:1)
Połčnica – Großröhrsdorf 3:1 (3:0)
Hnašecy – Bukecy4:1 (2:0)
Kumwałd – Łuty5:1 (2:0)
SJ Ćisk – Ramnow3:1 (1:0)
Wachau – Rakecy3:3 (2:1)
LSV Hory – Kinspork0:0 (0:0)
Ralbicy/Hórki – Póst Budyšin 5:1 (2:1)
1. Kumwałd 3 10 : 1 9
2. SJ Ćisk 3 11 : 4 9
3. Chrósćicy 3 4 : 0 9
4. LSV Hory 3 10 : 2 7
5. Ralbicy/Hórki 3 11 : 3 6
6. Połčnica 3 8 : 3 6
7. Hnašecy 3 7 : 4 6
8. Kulow 3 3 : 3 4
9. Ramnow 3 5 : 9 3
10. Großröhrsdorf 3 3 : 8 3
11. Rakecy 3 6 : 9 2
12. Wjelećin 2 3 : 6 1
13. Łuty 2 4 : 8 1
14. Wachau 3 7 : 12 1
15. Kinspork 3 2 : 8 1
16. Bukecy 2 1 : 5 0
17. Póst Budyšin 3 2 : 12 0
Sport na Kamjenskej Boršći
We wobłuku Kamjenskeje Boršće, kotraž započina so dźensa, su zarjadowarjo a wuhotowarjo zaso na wšelake sportowe poskitki myslili. Jutře, sobotu, wuhraja w sportowej hali G.-E.Lessingoweho gymnazija (Henselowa 14) 33. blidotenisowy turněr wo pokal města Kamjenca. Tón zahaji so rano w 09 hodź. Njedźelu 23.08. třěleja na arealu Kamjenskeje Boršće na worjoła. 13.30 hodź. započnu třělcowske towarstwa, 14 hodź. měšćenjo.
Triatlon we Łazu
Tež serbscy triatleća přihotuja so hižo wjacore měsacy na swoje tak mjenowane domjace triatlonowe wubědźowanje, kotrež budźe přichodny kónc tydźenja we Łazu při Třižonjaskim jězoru. Sobotu, 29. awgusta, budźetej zaso wjetšej distancy na rjedźe a njedźelu, 30 .awgusta, olympiska a sprintowe distancy.
Běhi w Połčnicy
Za Połčničanske strowotne běhi móža so zajimcy pod www.baer-service.de přizjewić. Přichodny pjatk běha so tam na distancach 800m/2km/5km a 10km. Časowy plan wozjewimy přichodny pjatk.
Koparske dypkowe hry
22.08. 15:00 Kamjenc – BSC Freiberg
22.08. 15:00 Kulow – Chrósćicy
22.08. 15:00 Wachau – Rakecy
23.08. 13:00 Neugersdorf – Luckenwalde
23.08. 15:00 Ralbicy – Póst Budyšin
SJ Njebjelčicy
– SJ Großnaundorf 1:3 (0:0)
Zestawa domjacych: Ričel – Hojer, Kral, Hrjehor, Mjechela (63. Hanuza), Cyž, Lejnart, Hommel, Dubaw, Čornak, Hoelzel
Hnydom w prěnjej hrě noweje hrajneje doby, kotraž bě zdobom domjaca, dóńdźe k poražce. Znowa bě trenarska dwójka Panic/Krawčik nuzowana, mnohich wotprajenjow dla zestawu cyłka změnić. Tak dyrbješe zaso Stefan Kral w centralnym škiće zaskočić. Wědźo, zo hósć rady hru ofensiwnje postaja, so Njebjelčenjo wotpowěduje zadźeržachu a chcychu hdys a hdys přez kontery k wuspěchej přińć. Tak šmórny so wótra třělwa Cyža w 12. mjeńšinje łaty. Krótko po tym přesadźi so Čornak na prawej stronje a posłuži Lejnarta. Worklečan pak chcyše wjacorych přećiwnikow před šěsnatku wuhrać a tuž bě šansa fuk. Potom suny młody Loepold Hoelzel wot Čornaka derje zasadźeny bul snadnje nimo žerdźe. Dobru třělwu Dubawa wrotar k róžkej wotwobara. Hosćo pak wukonjachu bjez přestawki ćišć na wrota Daniela Ričela. Tak wotwobara wón wulce we 18. a 35. mjeńšinje z dobrym refleksom. Do přestawki so ničo njezměni. Stronje so při stawje 0:0 měnještej.
Sportowe sudnistwo Zapadołužiskeho koparskeho zwjazka (WFV) je so wčera wječor w Hlinowcu z rasistiskim šćuwanjom přećiwo Serbam a z mjetanjom praskotakow we wobłuku finala wo wokrjesny pokal mjez hrajnymaj zjednoćenstwomaj młodźiny A Radwor/Wulka Dubrawa a Wojerecy/Ćisk/Łaz zaběrało. Po połdrahodźinskim sudniskim jednanju je Klemens Bětka, předsyda sportoweho sudnistwa WFV, na prašenja Jana Hrjehorja wotmołił.
Kónc junija 2015 wotměchu so w Kulowje wjacore kónčne hry wo wokrjesny pokal. Mjez tymi bě tež finale młodźiny A. Móžeće prošu skrótka hišće raz rysować, što je so tam stało, zo dyrbješe sudnistwo nětko jednać?
K. Bětka: W prěnim połčasu horjeka mjenowaneje pokalneje finalneje hry su přiwisnicy FC Łužica Wojerecy přećiwo Serbam spěwali. W druhim połčasu je skupina na hrajnišćo praskotaki mjetała a ćisny na sudnika mjez druhim tak mjenowanu kurowu bombu, kotraž pak na zbožo njeje fungowała. Wjacori zastupjerjo WFV su tutu njedźelu w Kulowje byli a tež sudnik wo přeńdźenjach w swojej rozprawje wo hrě piše.
Sokoł Ralbicy/Hórki II
– Wojerecy 1919 2:3 (0:1)
Zestawa domjacych: Měškank - Měrćin Matka, Zynda, Róbl, Materna, Bernard (63. Serbin), Šnajder (75. Šmit), Rawš, Michał Matka (46. Šěn), Kurjat, Čórlich
K zazběhej sezony 2015/16 witachu Ralbičenjo zestupnika z wyšeje wokrjesneje ligi Wojerecy 1919. Mustwo budźe zawěsće z faworitom na direktny postup. Pola Sokołow je so w předpolu noweje sezony tójšto změniło. Michał Ćóška je teamowy manager a jemu poboku steji jako mustwowy nawoda Tomaš Matka. Tež w zestawje wuhladachmy z Heikom Zyndu, Robertom Maternu a Stephanom Bernardom hnydom tři nowopřichady. Mustwo zesylnichu nimo toho Michał Matka, Měrćin Kurjat a Gabriel Čórlich. Naposledk mjenowani hrajerjo słušeja ke kadrej prěnjeho mustwa Sokoła.
Regionalna liga
Neustrelitz – Hertha BSC II 2:0 (0:0)
Auerbach – Schönberg 1:1 (1:0)
Rathenow – Neugersdorf 2:2 (1:1)
BFC Dynamo – Jena1:2 (1:1)
Nordhausen – Berlinski AK 1:1 (0:0)
Luckenwalde – RB Leipzig II 1:3 (1:2)
Budissa Budyšin – Babelsberg 03 0:0 (0:0)
Meuselwitz – Zwickau 0:1 (0:0)
FC Viktoria – Halberstadt 0:0 (0:0)
1. Zwickau 3 9 : 0 9
2. Jena 3 5 : 1 7
3. Neustrelitz 3 5 : 2 6
4. Hertha BSC II 3 4 : 3 6
5. Babelsberg 03 3 3 : 0 5
6. Neugersdorf 3 6 : 4 5
7. Berlinski AK 3 3 : 1 5
8. Rathenow 3 3 : 2 5
9. Schönberg 3 2 : 1 5
10. RB Leipzig II 3 4 : 3 4
11. Nordhausen 3 4 : 4 4
12. BFC Dynamo 3 7 : 7 3
13. Budissa Budyšin 3 3 : 3 3
14. FC Viktoria 3 0 : 5 2
15. Halberstadt 3 2 : 7 1
16. Auerbach 3 1 : 7 1
17. Luckenwalde 3 1 : 6 0
18. Meuselwitz 3 0 : 6 0
Cyłkownje 16 mustwow bě so za wčerawši beachvolleyballowy turněr Radija Satkula přizjewiło. Přijěło pak je najprjedy raz jenož 15 mustwow. Granit Hórki dyrbjachu krótkodobnje z personalnych přičin wotprajić. Zastupjerjo z Wotrowa pak, po tym zo su wčera hišće připrajili, runjetak do starta wotprajichu kaž tež dalše narunanske mustwo z Chrósćic. Dźakowano Worklečanskemu sportowcej Marcelej Rjelce pak je so turněr skónčnje tola dypkownje w šesćich zahajić móhł – ze 16 mustwami. Rjelka bě mjenujcy hišće w běhu hodźiny pjeć volleyballistow aktiwizował a tak 16. mustwo nastajił.
ST Postup Großharthau
– ST Marijina hwězda 0:2 (0:1)
Zestawa hosći: O. Schmidt – Wróbl, Škoda, Wuschansky, Hawš – T. Jurš (58. P. Schmidt), Bělk, D. Jurš, Rab – Winkler, Pakoßnick
K prěnjej hrě sezony 2015/16 poda so 1. koparske mustwo Marijineje hwězdy do Großharthauwa. Za nowu hrajnu dobu su so klóšterscy koparjo z třomi nowopřichadami zesylnili. Wrotar Oliver Schmidt je so z Małeho Wosyka nawróćił, wot SJ Chrósćicy je Richard Hawš přišoł a z młodźiny A Natwara Němske Pazlicy Lukas Langner.
W prěnim połčasu mějachu sej hosćo ćežko. Nastajnosći zhubichu bule , wola k přidatnym běhanskim pućam pobrachowaše a zdźěla eklatantne zmylki w hrajnym natwarje zmóžnichu domjacemu mustwu wjacore móžnosće. Najwjetšu składnosć hosćićela znješkódni w 14. mjeńšinje wrotar Schmidt z wuběrnej paradu. Jenož jónu poradźi so klóšterskej ofensiwje prawa akcija před přećiwniskimi wrotami. Tři mjeńšiny do přestawki předrěštaj so Wróbl a T. Jurš na prawym boku z dwójnym pasom. Na to slědowacu flanku přetwori Pakoßnick z distancy pjeć metrow direktnje k 0:1.
Budissa Budyšin – ST Babelsberg 03 0:0
Zestawa domjacych: J. Jakubov – Heppner, Klippel, Pfanne, Kral – Walther (55. Hoßmang), Kolan, Rupf (22. Čermak) – Hansch (55. Rosendo), Reher, Salewski
Njedźelu popołdnju bě na Budyskej Młynkec łuce zastupnistwo ST Babelsberg z hósćom. Budissa Budyšin bě z dwěmaj njerozsudnymaj wuslědkomaj do sezony startowała a chcyše sej tuž swoje prěnje dobyće zapisać. Trenarjej Tomašej Henčlej pobrachowaštaj pak nadběhowarjej Aleksander Jakubov a Philip Heineccius. Za to pak hraješe zaso kapitan Martin Kolan. Njedźelnu hru w sprjewinym měsće widźało bě 750 přihladowarjow.