Města móža swój dołh pomjeńšić

Choćebuz (dpa/SN/ch). Zdźěla jara zadołžene města w Braniborskej maja po wčerawšej rozprawje dźenika Märkische Allgemeine Zeitung něhdźe 400 milionow eurow wot kraja dóstać, zo bychu swój dołh pomjeńšili. Po połojcy maja pjenjezy pochadźeć z krajneje kasy a ze srědkow za financne wurunanje komunow, kaž nowina piše. Wotdołženje komunow słuša k planowanej wokrjesnej reformje, kotruž chce krajne knježerstwo hač do lěta 2019 zwoprawdźić. Bjezwo- krjesne města Choćebuz, Frankfurt nad Wódru a Brandenburg nad Habolu maja swoju samostatnosć zhubić. Za to dóstanu wone móžnosć, swój dołh w cyłkownym wobjimje něhdźe 562 milionow eurow­ z pomocu Kraja Braniborskeje wottwarić.

Stele wopominanja poswjećene