Sport (15.10.21)
Wolejbulowe hry
Na wolejbulistki sportoweho towarstwa Viktoria Worklecy čaka jutře hnydom dalši hrajny dźeń. Po wuspěšnym zazběhu minjenu sobotu chcedźa Worklečanki wězo dale dypkować.
16.10. 16:00 VV Žitawa 09 II –
Viktoria Worklecy (ž)
16.10. 16:00 Módro-běłe Wojerecy –
Viktoria Worklecy II (ž)
30.10. 12:00 Drježdźanske SSV II –
Viktoria Worklecy (m)
30.10. 16:00 VfL Pirna-Copitz 07 –
Viktoria Worklecy (m)
30.10. 12:00 Viktoria Worklecy –
Póst Drježdźany (m)
30.10. 14:00 Viktoria Worklecy –
Motor Mickten II (m)
01.11. 19:30 Sokoł Budyšin –
ST Budyšin-sewjer (m)
01.11. 19:30 Sokoł Budyšin –
Schönbachske VV (m)
Kónctydźenska kopańca
Prěni raz přewjedu dźensa wot 20 hodź. w Slepom na kumštnym trawniku pod swětłomjetakami duel stareje koparskeje gardy Lokomotiwy Slepo a Sokoła Ralbicy. Šlagrowa hra jutře, sobotu, budźe w Biskopicach. Tam wočakuje Biskopičanske KT 08 we wyšej lize Budissu Budyšin.
16.10. 14:00 Biskopičanske KT 08 –
Budissa Budyšin
16.10. 14:00 Jednota Kamjenc –
FSV Motor Marienberg
16.10. 15:00 SV Wesenitzal –
Rakečanske ST
16.10. 15:00 ST Hnašecy-Dobruša –
ST Marijina hwězda
16.10. 15:00 Póst Germania Budyšin –
Módro-běli Kulow
17.10. 11:30 Sokoł Ralbicy/Hórki II –
HZ Hory II/Bluń
17.10. 12:30 SJ Chrósćicy II –
Módro-běli Minakał
Pola přećiwnika wysoko dobyli
ST Nadrózna Hrabowka –
ST 1922 Radwor 1:5 (1:3)
Zestawa hosći: Tausend – Reineke, Šěrak, Grubert, Seiler, Nuk (69. Jendrewski), Pječak (85. Glücklich), Jo. Wjacławk (59. Hančik), Wróbl, Schulze, Ja. Wjacławk (46. Schöne)
Dokelž běchu tamne mustwa w hornjej třećinje tabulki swoju hru přěhrali abo sej z přećiwnikom dypki dźělili, mějachu koparjo Radworskeho ST šansu, na čole dypkowy wotstawk k pozicijam dwaj, tři a štyri powjetšić.
Wuslědki (14.10.21)
Kopańca, regionalna liga žonow
DFC Zwickau – Magdeburg 1:1 (0:1)
Türkiyemspor Berlin – RB Lipsk II 1:1 (0:1)
SFC Stern – Carl Zeiss Jena II 1:1 (0:0)
Podstupim II – Viktoria Berlin 2:3 (1:2)
Lipsk-juh – Phoenix Lipsk 1:0 (1:0)
Babelsberg – Staakenwupad
Hohen Neuendorf – Biskopicy 1:0 (0:0)
Erfurt – Union Berlin4:5 (3:4)
wyša liga mužojo
Neugersdorf – Nordhausen 0:1 (0:0)
čoło tabulki
1. FC Čerwjeno-běli Erfurt 10 26 : 7 24
2. VFC Plauen 9 17 : 8 20
3. FC Carl Zeiss Jena II 10 25 : 10 19
4. Budissa Budyšin 8 27 : 17 18
5. SG Union Sandersdorf 10 18 : 9 18
6. VfB 1921 Kśišow 8 21 : 8 17
7. FC Jednota Wernigerode 9 16 : 11 17
8. FC Jednota Rudolstadt 8 9 : 10 13
9. VfL Halle 96 8 11 : 10 12
krajny pokal
Markranstädt – Eilenburg 5:4 (0:2)
Budissa Budyšin – Lok Lipsk 2:0 (0:0)
Oderwitz – Lößnitz3:2 (1:2)
Panitzsch/Borsdorf – Krostitz 3:0 (2:0)
Bornaer SV – Heidenauer SV 1:0 (1:0)
Lipsia Eutritzsch – Rabenstein 0:1 (0:1)
International Lipsk – Zwickau 1:3 (1:2)
Jednota Kamjenc – Plauen 3:0 (3:0)
Wilsdruff – Radebeulski BC 4:2 (0:0)
Borea Drježdźany – Freital 1:4 (0:1)
Drježdźanski SC – DD-Strěžin 3:0 (1:0)
Colditz – Biskopičanske KT 08 1:2 (0:0)
Oelsnitz – Markkleeberg 3:6 (2:3)
Kamjenica – Chemija Lipsk 0:5 (0:1)
Drježdź.-Lubohósć – Glauchau 3:0 (2:0)
Zajimawe sportowe podawki ze stawiznow olympiskich hrow
Poprawom wšak mějachu so olympiske hry kaž tež paralympiske hry w japanskim Tokiju hižo loni wotměć. To pak koronapandemije dla móžno njebě. Lětsa je so to poradźiło, tež hdyž bjez přihladowarjow. Jurij Nuk z Budyšina je někotre zajimawe fakty a podawki w stawiznach olympiskich hrow zestajał.(3. dźěl/kónc)
1972 Mnichow: Při teroristiskim nadpadźe zemrě jědnaće israelskich sportowcow. Wosebje wuspěšnaj atletaj olympiady w bayerskej stolicy běštaj Američan Mark Spitz a Němka – NDRska sportowča Karin Janz. Mark Spitz běše wusahowacy sportowc w płuwanju, a to we wjacorych disciplinach. Cyłkownje sydom króć bu wón jako dobyćer złoteje medalje počesćeny, štož běše skoro njewěrjomne! Jedna z najlěpšich sportowčow swěta Karin Janz wubědźi sej we wuměłskim ćěłozwučowanju dwě złotej medali na schodźenkowym bradle (Stufenbarren) a na konju (Pferdsprung). Wona zawěsći sej tež hišće dwě slěbornej a jednu bronzowu medalju.
Stawizny kopańcy w Pančicach-Kukowje
Dopomnjenki na spočatki honjeńcy za bulom hač do towaršnostneho přewróta (2. dźěl)
b.) 1950 do 1960
Dokelž hodźeše so spočatk 1950tych lět dale jenož (prowizoriske) kopanišćo při młodowni wužiwać, nasrěbachu sej mužojo a młodźina wosebje w přećelskich hrach z SJ Hórki dalše sebjewědomje. Młodźina přěhra 1954 na přikład z 0:5, ale lěto pozdźišo Hórčenjo jeno z 1:0 snadnje dobychu. Najlěpši wuslědk muži bě njerozsudne 4:4.
W lětach 1951 do 1959 bě Bruno Richter předsyda Pančičanskich koparjow. W tej dobje nasta na městnje dźensnišeho twjerdeho nowe hrajnišćo. Ze zapalom poda so muske mustwo w sezonje 1954/1955 do dypkowych hrow. Najlěpše zaměstnjenje poradźi so w 2. wokrjesnej klasy 1956 z třećim městnom. Načolnik SJ Hórki postupi w samsnym lěće do 1. wokrjesneje klasy. Samsne lěto pak so traktoristam sensacija zešlachći: na Serbskim sportowym zjězdźe w Radworju dobychu pokalne finale z 1:0 přećiwo Hórčanam, jako Jan Hicka hižo w prěnich mjeńšinach „złote“ wrota třěli. W młodźinskej stafli mjenowaneje sezony Hórčanski dorost z 45:6 wrotami a 18:2 dypkami jasnje dominowaše, mjeztym zo zabrachu „klóšterscy“ 6. městno (17:28 resp. 9:11).
Ze zbožom remis docpěli
Tennis Borussia Berlin –
Energija Choćebuz 2:2 (2:1)
Zestawa hosći: Stahl – Hofmann (76. Harz), Kauter (87. Geisler), Koch, Borgmann, Erlbeck (46. Eisenhuth), Hildebrandt, Hasse (46. Schulz), Proničew, Zografakis (46. Badu), Engelhardt.
Z módrym wóčkom a dypkom su so koparjo FC Energije Choćebuz minjenu srjedu z Berlina nawróćili. Woni drje móžachu so hižo po pjeć hratych mjeńšinach přez wrota Maximiliana Proničewa po zmylku wrotarja wjeselić, štož pak njerěkaše, zo bě FCE hižo dobył. Zhubjene bule a přěhrate dwuboje Berlinjanow sylnjachu, štož bu přez dwoje wrota Turki Tahsina Çakmaka krónowane. Wobaj razaj wón krótko před šěsnatku na wrota třěli a bě wuspěšny.
Znowa žadyn wuspěch nježnjeli
HZ Hórnikečanski Jězor –
SJ Njebjelčicy 4:2 (2:1)
Zestawa hosći: Hahn – Haška, Reineke, D. Kral, Šołta, Čornak, Hoelzel (35. S. Kral), Bergmann (67. Schaaf), F. Domš, O. Domš, Korjeńk
Wuslědki (12.10.21)
Kopańca, wokrjesna pokal
Hórnikeč. jězor – Něm. Pazlicy II 0:5 (0:3)
HZ Horni kraj-Sprjewja II – Ramnow II/Bretnig-Hauswalde II2:5 (1:2)
Wachau II – Bukecy6:3 (3:1)
Arnsdorf II – Łaz/Běły Chołmc II 3:2 (1:0)
Wulka Dubrawa – Ralbicy/Hórki 1:2 (1:1)
Łaz/Běły Chołmc II – Sepicy 0:1 (0:0)
Malešecy – Radworwupad
Ottend.-Okrilla – Wojerowski FC 0:6 (0:2)
HZ Hory II/Bluń – HZ Wóslink/Skaskow/Kulow II2:6 (0:3)
Wjazońca – Póst Budyšin 1:3 (0:1)
Chrósćicy II – Wachau 1:3 (1:1)
Wjelećin II – Großnaundorf 1:3 (0:2)
Němske Pazlicy II – Kubšicy 3:0 (2:0)
Haselbachtal – HZ Horni kraj-Sprjewja II 2:1 (1:1)
Nadrózna Hrabowka – HZ Kumwałd/Šumbach1:2 (0:2)
Hlinowc – HZ Germania Biskopicy/Biskopičanske KT III2:3 (1:2)
Tónraz mjenje wobdźělnikow
27. Budyski měšćanski běh pod korona-poměrami bjezporočnje přewjedźeny
Wjacesportowe zjednoćenstwo (MSV) Budyšin je hižo wjele lět hłowny organizator jara woblubowaneho a mjeztym hižo 27. Budyskeho měšćanskeho běha. Loni dyrbješe wurisanje korony dla wupadnyć.
Lětsa nětko, po tróšku wolóženju tuteje cyłkowneje situacije, je so zarjadowar, na čole ze swojim agilnym jednaćelom a předsydu Steffenom Waldmannom, rozsudźił w někajkej formje tele 27. wurisanje realizować. A to je so tež wulkotnje poradźiło, byrnjež jenož móžne było z cyłkownje tysac starterami, štož je něhdźe połojca dotalnych. Tak su cyłu wěc wuwzaćnje na sportowy areal Budyskeje Młynkec łuki přepołožili. W měsće samym bychu cyły dźeń wjacore dróhi a puće kaž tež Póstowe naměsto zašlahać dyrbjeli atd. A žadany a trěbny wěstotny kaž hygienowy koncept korony dla hodźeše so na Młynkec łuce wo wjele lóšo dodźeržeć.
