Optik Rathenow
– FC Energija Choćebuz 1:4 (1:1)
Zestawa hosći: Moser – Borgmann, Zickert, Koch, Hoppe, Eisenhuth, Erlbeck, Broschinski, Brügmann (86. Beyazit), Taz (88. F. Geisler/89. N. Geisler), Rangelow
Na 7. hrajnym dnju regionalneje koparskeje ligi sewjerowuchod poradźi so FC Energiji Choćebuz, zestupnikej z třećeje ligi Němskeje, prěnje wonkowne dobyće a je tak přeposlednjeho tabulki ze 4:1 na distancu dźeržał. Hosćo z Delnjeje Łužicy pokazachu nimale cyły čas swoju dominancu a mějachu tójšto móžnosćow. Wo nawjedowanje drje postarachu so domjacy po konteru (17.), přichodna akcija před tamnymi wrotami pak wjedźeše hižo k 1:1 (18.) přez Felixa Brügmanna. Za njeho běchu to zdobom pjate wrota aktualneje hrajneje doby.
Tež po přestawce hraješe nimale jenož FC Energija. Dimitar Rangelow třěli 1:2 (60.) a 1:3 (73.), doniž njepostara so Abdulkadir Beyazit wo kónčne 1:4 (87.). Přewulke wjeselo pak w rjadach hosći njenasta, dokelž bě sej Felix Geisler jenož mjeńšinu, po tym zo bu zaměnjeny, křižny pask w prawym kolenje torhnył. Tak najprjedy raz šěsć měsacow wupadnje.
FC Energija Choćebuz
– VfB Auerbach 1:4 (1:2)
Zestawa hosći: Hejduška – R. Cyž, Zelnak, K. Pakoßnick, Lipič, Šołta, Kurink, Ch. Cyž, Jurš (69. Melnyk), Eldor (78. J. Pakoßnick), Pjetaš
Njech je mi dowolene, zo so w swojim dźensnišim komentarje spočatnje zasłužbnemu serbskemu sportowcej-běharjej wěnuju, kiž je před měsacomaj 85. narodniny swjećił. Dobry znaty mi njedawno praji: „Tón Jurij, tón běha a běha a běha. Myslu sej, bjez běhanja njemóže žiwy być.“ Haj, hdyž je čłowjek z 85 lětami hišće strowy a čiły, móže so zbožowny čuć. A hdyž so w tej starobje hišće na wubědźowanjach w běhanju wobdźěla, da je to něšto njewšědne.
We Wutołčicach, w Baćońskej wosadźe rodźeny Jurij Nuk je tajki fenomen. Kóžde lěto wobdźěla so wón na mnohich běhach po cyłej Łužicy, ale tež zwonka njeje a wobsadźa w swojej starobnej klasy zwjetša jedne z načolnych městnow.
Budyski měšćanski běh
Jutře přewjedu w Budyšinje měšćanski běh, tydźeń pozdźišo potom we Wojerecach. W Budyšinje započnu z wubědźowanjemi dźěći a šulerjow zaso w 10 hodź. Wutřěl ze startoweje pistole za hłownej běhaj na distancomaj 6 km a 10 km budźe w 14 hodź.
Blackbird-run přez zadźěwki
Za 4. blackbird-run w Hózku, běh přez zadźěwki, je so 400 běharkow a běharjow přizjewiło. Startować budu jón njedźelu w 14 hodź., kónc je za něhdźe 17 hodź. planowany. Dotal najlěpši čas muži leži pola 1:18:15 hodź., žonow pola 1:42:40 hodź. Mjez přizjewjenymi je wjace hač 20 Serbowkow a Serbow, telko kaž hišće ženje.
Kónctydźenski wolejbul
07.09. 14:00 HZ Pančicy-Worklecy II
– Nysa Wolejs II (w Rych- bachu, pokal, žony)
07.09. 14:00 Módro-běłe Wojerecy II
– Viktoria Worklecy
(w Rychbachu, pokal,
žony)
07.09. 14:00 TSV Kundraćicy
– HZ Pančicy-Worklecy
(w Habrachćicach,
pokal, žony)
07.09. 14:00 MSV Budyšin 04 II
– Viktoria Worklecy (pokal, mužojo)
Kónctydźenska kopańca
Na krajnej kaž tež na wokrjesnej runinje přewjedu koparske cyłki jutře a njedźelu pokalnej kole.
07.09. 15:00 Heidenauske ST
– Budissa Budyšin
07.09. 15:00 Radefelder SV90
– Jednota Kamjenc
07.09. 15:00 Arnsdorfske KT II
– ST Marijina hwězda
Wojerowski FC – ST Marijina hwězda 1:1 (1:0)
Zestawa hosći: Hejduška – R. Cyž, Zelnak, Rab, Bělk, Lipič (64. Schmidt), Pjetaš (64. Peschmann), Kurink (64. Eldor), Hawš, Ch. Cyž, Šołta
Při jara tužnym wjedrje, byrnjež 1. september meteorologisce widźane prěni dźeń nazymy był, nastupichu koparjo ST Marijineje hwězdy pola Wojerowskeho FC. Po dobyću tydźeń do toho chcychu chowancy Erwina Kleinmanna wězo tež w Zusowym měsće dypkować, štož so jim z wulkim zbožom poradźi.
Wrotar Petr Králíček z Jabloneca nad Nisou je dalši čěski kopar, kiž bě za SJ Chrósćicy dotal 100 króć w dypkowych hrach zasadźeny.
Njedźelu do hry přećiwo TSV Rotaciji Drježdźany, tučasnemu prěnjemu w krajnej klasy-wuchod, je wjednistwo Chróšćanskeje SJ Králíčeka z pokalom a blešu sekta počesćiło. 27lětny Čech bě so w awgusće 2015 na poručenje Pavela Runta (wón bě před poł lětom prěni čěski kopar w Chrósćicach, kiž je sto hrow za SJC hrał) serbskemu towarstwu přizamknył.
Petr je ze swojim měrnym wustupowanjom a přehladom kruty stołp mustwa. Nazhonity wrotar, kiž je do toho hižo pola Budissy Budyšina a Jednoty Kamjenc dźeržał, bě w zašłosći garant za tu abo tamnu překwapjenku. Kaž sam zwuraznja, je jemu kopańca w Chrósćicach „swójbna. Hrajerjo kaž přihladowarjo će pozbudźeja a so za wukony dźakuja.“
Přejemy tuž Petrej Králíčekej dale wjele wjesela a mnohe rjane hodźinki w kruhu koparskich přećelow Sportoweje jednotki Chrósćicy. Jan Macka
SJ Chrósćicy – TSV Rotacija Drježdźany 1:2 (0:1)
Zestawa domjacych: Králíček – L. Zahrodnik, Mark, Sentivan, Püschel (72. Zynda), Henzl, Bina, Špitank (77. Cyž), G. Zahrodnik, Runt, Bogusz (49. Žur)
Kopańca, wokrjesna klasa, stafla II
Běły Chołmc II – SJ Njebjelčicy II 2:2 (1:1)
Pančicy II – Zeleno-běli Sepicy 0:6 (0:3)
Němske Pazlicy II – Bart 2:1 (1:0)
1. Zeleno-běli Sepicy 2 19 : 0 6
2. SJ Njebjelčicy II 2 5 : 4 4
2. HZ Łaz/Běły Chołmc II 2 5 : 4 4
4. Nat. Němske Pazlicy II 2 3 : 2 4
5. Módro-běli Kulow II 1 5 : 1 3
6. Módro-běli Njeswačidło 1 1 : 1 1
7. ST Bart 2 3 : 5 0
8. SV Haselbachtal II 1 1 : 5 0
9. Mały Wosyk II/Pančicy II 2 2 : 9 0
10. LSV Hory II 1 0 : 13 0
wokrjesna klasa, stafla III
Liegau-Augustusbad – Połčnica II 5:2 (3:1)
Wachau II – Kinspork/Łužnica II 1:0 (0:0)
Großharthau – Drjewnica 1:2 (0:0)
Ramnow II – Frankenthal II 1:2 (1:2)
Arnsdorf II – Biskopicy III 2:3 (2:1)
1. ST Drjewnica 2 8 : 2 6
2. HZ Germania Biskopicy/
Biskopičanske KT III 2 3 : 2 4
3. TSV Wachau II 2 2 : 1 4
4. SV Liegau-Augustusbad 1 5 : 2 3
5. ST Kinspork/Łužnica II 2 4 : 1 3
6. SV Großharthau 2 5 : 3 3
7. SG Frankenthal II 2 3 : 5 3
8. HZ Bretnig-Hauswalde II/
Ramnow II 2 1 : 2 1
9. TSV Połčnica II 2 3 : 6 1
10. Arnsdorfske KT II 2 2 : 7 0
11. SpG Hermsdorf /Ottendorf-Okrilla 2. 1 1:6 0