Městnosć zetkanja OSSI

wutora, 12. junija 2018
artikl hódnoćić
(0 )
Ute Hempel angažuje so we wólnym času za dźěći ćěkancow. Na dnju wotewrjenych duri zańdźenu sobotu we Wojerowskim  zarjadnišću OSSI je kubłarka z dźěćimi rjećazki za ruku a hłowu pasliła. Tež holčka Kamar měješe při zaběrje wulke wjeselo.  Regionalne dźěłanišćo, za kubłanje, dźěło a perspektiwy žiwjenja (RAA) Wojerecy-wuchodna Sakska je wobhospodarjer zarjadnišća, kotrež chce so přichodnje hišće sylnišo za migrantow zasadźeć.  Foto: Silke Richter Ute Hempel angažuje so we wólnym času za dźěći ćěkancow. Na dnju wotewrjenych duri zańdźenu sobotu we Wojerowskim zarjadnišću OSSI je kubłarka z dźěćimi rjećazki za ruku a hłowu pasliła. Tež holčka Kamar měješe při zaběrje wulke wjeselo. Regionalne dźěłanišćo, za kubłanje, dźěło a perspektiwy žiwjenja (RAA) Wojerecy-wuchodna Sakska je wobhospodarjer zarjadnišća, kotrež chce so přichodnje hišće sylnišo za migrantow zasadźeć. Foto: Silke Richter

Pomoc migrantam je ćežišćo dźěła we Wojerowskim młodźinskim klubje

Wojerecy (SiR/SN). Zamołwity Sakskeje za wukrajnikow Geert Mackenroth je swoje wobdźělenje na interkulturelnym swjedźenju za dźěći, młodźinu a swójby we Wojerowskim klubje OSSI krótkodobnje wotprajił. Politikar chcyše so minjenu sobotu wo tuchwilnym stawje a přichodźe zarjadnišća přeswědčić. Rozsud Mackenrotha njeje pak swjedźenjej škodźał. Zajimcy wužiwachu składnosć sej poskitki zbližić. Regionalne dźěłanišćo, za kubłanje, dźěło a perspektiwy žiwjenja (RAA) Wojerecy-wuchodna Sakska je wobhospodarjer OSSIja. Zhromadnje ze swojimi partnerami chce wone k tomu přinošować, zo su wobydlerjo kmani so zamołwiće a ze swójskeje iniciatiwy za zhromadnosć zasadźić. Za to wuhotuja sobudźěłaćerjo poskitki, wosebje za dorosćacych, a spěchuja wuwiće socialneje kaž tež indiwidualneje kompetency.­ ­Zdobom podpěruja ciwilnotowaršnostny ­angažement přećiwo prawicarskoekstremistiskim ideologijam.

wozjewjene w: Socialne
Prošu přizjewće so, chceće-li komentar podać

nawěšk

nowostki LND