Spěchowanske myto wupisane
Budyšin. Organizatorojo zarjadowanjow k jubilejej 1 000 lět Budyski měr wupisaja spěchowanske myto za wuměłstwo a socialny angažement, kaž město Budyšin informuje. Myto ma přinošować ke konstruktiwnemu, zhromadnemu diskursej wo přichodźe Europy a so wěnować palacym prašenjam našeje doby. Mjez organizatorami stej tež Domowina a Serbski institut.
Firma fit znowa inwestuje
Hirschfelde. Producent rjedźenskich srědkow fit tzwr w Hirschfeldźe nad Nysu planuje po słowach jednaćela Wolfganga Großa přichodnej dwě lěće inwesticije nimale 16 milionow eurow. Pjenjezy chce za nowotwar a nowe produkciske připrawy wužiwać. Wot lěta 1993 su na stejnišću 170 milionow eurow za mašiny a twarjenja nałožili. Aktualnje dźěła za fit tzwr 250 ludźi.
Přećiwowustawne znački w hrach