Krótkopowěsće (17.09.15)

štwórtk, 17. septembera 2015
artikl hódnoćić
(0 )

Wuprawa do Čěskeje

Radwor. 22 šulerjow 4. lětnika SZŠ „Dr. Marja Grólmusec“ poda so dźensa na wuprawu do partnerskeje šule w Liberecu. Tam zetkaja so tež ze šulerjemi pólskeje partnerskeje šule. Planowane su sportowe wubědźowanje runje tak kaž krótke kulturne programy. Hosćom chcedźa stawizny šule a města Libereca kaž tež wokolinu předstajić.

Šef zarjada za migraciju wotstupił

Berlin. Prezident Zwjazkoweho zarjada za migraciju a ćěkancow Manfred Schmidt je wotstupił. Po informacijach nutřkowneho ministerstwa mjenowaše wón za to „wosobinske přičiny“. Schmidt bě zarjad wot decembra 2010 nawjedował. Naposledk jón přiběrajcy kritizowachu. Tuchwilu kopi so tam 250 000 próstwow wo azyl.

Energija přichoda wěsta?

Lipsk. Sakski ministerski prezident Stanisław Tilich (CDU) sej žada, zo njesměła energijowa změna w Němskej na njedobro dźěłowych městnow być. Nimo toho dyrbjała so milina za wobydlerjow potuńšić. Tole rjekny Tilich na dźensnišim 4. wuchodoněmskim energijowym forumje w Lipsku, hdźež wobdźěli so tež zwjazkowy hospodarski minister Sigmar Gabriel (SPD. )

wozjewjene w: Krótkopowěsće
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND