Šćěpjenska sezona zahajena

pjatk, 07. oktobera 2016
artikl hódnoćić
(0 )

Budyšin (SN/mwe). W strowotniskim zarjedźe­ wokrjesa Budyšin šćěpja w běhu lěta něhdźe 1 300 ludźi přećiwo gripje. Kaž nowinski rěčnik wokrjesa Gernot Schweitzer na naprašowanje Serbskich Nowin zdźěli, bě tendenca w zašłych lětach poměrnje konstantna. Najwjace ludźi da so direktnje pola swojeho domjaceho lěkarja šćěpić. Kelko to je, nam w nowinskim běrowje Budyskeho krajnora­dneho zarjada rjec njemóžachu, dokelž k tomu žana statistika njeeksistuje. W strowotniskim zarjedźe šćěpja ludźi přećiwo influency we wobłuku poradźowanja a rěčnych hodźin abo hdyž přihotuja so pućowanja do dalokeho wukraja kaž tež we wobłuku šćěpjenskich akciskich dnjow. „Šćěpjenskeho srědka maja wšudźe nadosć k dispozi­ciji“, Gernot Schweitzer doda.

wozjewjene w: Socialne
Prošu přizjewće so, chceće-li komentar podać

nawěšk

nowostki LND