Krótkopowěsće (02.03.17)

štwórtk, 02. měrca 2017
artikl hódnoćić
(0 )

Opozicija žada sej wěstotu

Drježdźany. Zeleni a Lěwica žadaja sej wot sakskeho krajneho knježerstwa lěpši škit dawkipłaćerjow před móžnymi kóštami wudobywanja brunicy dla. Tak dyrbjało sej knježerstwo wot energijoweho zastaraćela LEAG, naslědnika Vattenfalla, najručišo wěstotne pjenjezy za pad hospodarskeje plajty žadać, zo njetrjebał stat nastate kóšty přewzać.

Inflacija dale přiběrała

Kamjenc. Inflacija w Sakskej je w februaru dale přiběrała. Po dotalnych wob­ličenjach su so twory wo 2,4 procenty podróšili, kaž Kamjenski statistiski zarjad zdźěla. Naposledk běchu tajke po­dróšenje w oktobru 2011 zwěsćili. Dróše su předewšěm žiwidła, bencin a diesel kaž tež tepjenski wolij.

Pitnu wodu potuńšić

Praha. Čěski wobswětowy minister Richard Brabec chcył pitnu wodu za woteběrarjow potuńšić. Po jeho zapodatym namjeće měł so nadhódnotowy dawk za wodu a wopłóčki wot dotal 15 na 10 procentow znižić. Zo bychu ludźo tež woprawdźe mjenje płaćić dyrbjeli, planuje Brabec natwar wosebiteho regulaciskeho zarjada kaž tež nowu formu wobličenja dobytka wodarnjow.

wozjewjene w: Krótkopowěsće
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND