Domjacy hrajny dźeń z poražkomaj
Viktoria Worklecy –
ASV Doprědka Rózbork 0:3
(12:25, 18:25, 7:25)
Zo budźe hra přećiwo žonam z Rózborka wužadanje, bě hižo do toho wočakować, wšako běchu Worklečanki před měsacomaj wužadacu hru přećiwo nim ze snadnej poražku z 2:3 přěhrali. Prěnje hrajne sahi w prěnjej sadźbje hižo pokazachu, z kotrym tempom Rózborčanki hraja. Worklečanki zamóchu spočatnje z tempom derje sobu dźeržeć, mějachu pak poněčim snadny zastatk. Wobě mustwje pokazaštej sylne akcije při saku, kotrež so z městnami zbožownje za Worklečanki skónčichu. Sylny blok Worklečankow wotwobara dalše móžne dypki za hosći. Rózbork zwyši tempo a zamó přez wótre nadběhi a sylne nadaća dypkować a z tym předskok stajnje dale wutwarjeć. Slědowaše faza, hdźež móžachu sej hosćo přez zmylki domjacych někotre dypki zaručić. Naposledk přěhrachu Worklečanki 12:25.
Třeći koparski ligist FC Energija Choćebuz je po poražce 1:2 ...
Widźał,słyšał, napisał (03.03.25)
Awtor dźensa
Tereza Wićazowa
Piwko abo škleńčku sekta sej tón abo tamny hdys a hdys po sportowanju, treningu abo wubědźowanju popřewa. Zawěsće a wosebje tež nětko w tak mjenowanym pjatym počasu. Tola alkohol a sport njejstej ze sportoweho wida dobra kombinacija.
Sportowanje čini fit a k tomu přinošuje, zo čłowjek někotre kila wotbudźe. Wosebje hdyž so prawidłownje pohibuje a na strowe zežiwjenje dźiwa. K tomu słuša tež, zo so njestrowych napojow wzdawa. Pšeńčne piwo po treningu je na přikład hižo šwarna kalorijowa bomba. Jedyn gram čisteho alkohola ma sydom kalorijow, wulka škleńca piwa potajkim hižo 200 kalorijow. Zo bychu so tute zaso wotdźěłali, je poł hodźiny běhanskeho treninga trěbne. Pola tutych kalorijow jedna so nimo toho wo „prózdne“ kalorije, dokelž našemu ćěłu ani witaminy, ani mineralne maćizny abo mikroelementy njedadźa. K tomu hišće přińdźe, zo alkohol spalenje tuka redukuje. Mjeztym zo měło ćěło po sporće tukowe bańki wottwarjeć, wottwarja wone potajkim alkohola dla mjenje ćělneho tuka a składuje tuž wjace tuka w tukowych bańkach.
Wuslědki (03.03.25)
Kopańca; 3. liga
Viktoria Köln – 1. FC Saarbrücken 1:2 (0:1)
Energija Choćebuz – Osnabrück 1:2 (1:1)
FC Ingolstadt – Sandhausen 2:1 (0:1)
Hannover U23 – TSV Mnichow 1:3 (1:0)
Wehen Wiesbaden – Aue 0:2 (0:1)
Borussia Dortmund II – Essen 0:1 (0:1)
Dynamo Drježdźany – SC Verl 3:0 (1:0)
Waldhof Mannheim – Aachen 2:1 (1:0)
1. Dynamo Drježdźany 26 52 : 30 48
2. FC Energija Choćebuz 26 49 : 30 48
3. 1. FC Saarbrücken 26 40 : 27 47
4. Arminia Bielefeld 26 39 : 27 43
5. FC Ingolstadt 04 26 51 : 39 42
6. Viktoria Köln 26 42 : 35 40
7. Hansa Rostock 25 33 : 32 38
8. SC Verl 26 37 : 35 37
9. Wehen Wiesbaden 26 39 : 41 37
10. FC Rudne horiny Aue 26 38 : 41 37
11. Borussia Dortmund II 26 40 : 41 33
12. Čerwjeno-běli Essen 26 37 : 40 33
13. VfL Osnabrück 26 37 : 43 32
14. TSV 1860 Mnichow 26 38 : 50 32
15. Sandhausen 26 38 : 41 31
16. TSV Alemania Aachen 26 26 : 31 31
17. Waldhof Mannheim 26 31 : 31 30
18. VfB Stuttgart II 26 33 : 46 28
19. Hannover 96 U23 26 30 : 51 22
20. HZ Unterhaching 25 29 : 48 18
Sport (28.02.25)
Winowatostne dypkowe hry
Do Choćebuza k načolnikej tabulki přijědźe jutře mustwo z Osnabrücka. Chróšćenjo hraja přećiwo Rakecam w Hórkach.
01.03. 14:00 FC Energija Choćebuz –
VfL Osnabrück
01.03. 14:00 FC Jednota Rudolstadt –
Budissa Budyšin
01.03. 15:00 ST Hnašecy-Dobruša –
Sokoł Ralbicy/Hórki
02.03. 14:00 Biskopičanske KT 08 –
FC Grimma
02.03. 15:00 SJ Chrósćicy –
Rakečanske ST
Za běhi so přizjewić
Mjeztym hižo 46. Biskopičanske běhi na dołhich distancach přewjedu sobotu, 19. apryla. Jednotliwe hłowne wurisanja su po tradiciji 5,1 km, 10,2 km a 20,3 kilometrow. Předšulske dźěći a młódši šulerjo wubědźuja so na distancy 0,8 km. Start a cil wšitkich běhow budźetej na Biskopičanskim stadionje. Na swoje wašnje je tele wubědźowanje sobu najstarše w Sakskej, kotrež měješe z nimale 700 starterami w lěće 1989 swój dotalny rekord. W 14 hodź. so běhi započnu. Prěni wutrajnosportowcy so hižo za běhi přizjewichu. Zarjadowar je wospjet Biskopičanske sportowe zjednoćenstwo TV 1848.
Wolejbul zaso po prózdninach
Na prěnim kóncu tydźenja po prózdninach hraja Worklečanki w měsće a Worklečenjo w Drježdźanach.
08.03. 14:00 MSV Budyšin 04 II –
Viktoria Worklecy (ž)
08.03. 14:00 Motor Mickten I –
Wuslědki (27.02.25)
Kopańca
Regionalna liga muži
Lok Lipsk – Hertha BSC II 4:1 (1:0)
VSG Altglienicke – FSV Zwickau wupad
Greifswald - BSG Chemija Lipsk wupad
Kamjeničanski - Meuselwitz 4:0 (2:0)
1. Lok Lipsk 23 42 : 13 56
2. Halleski FC 22 34 : 15 44
3. FC Carl Zeiss Jena 20 44 : 25 35
4. BFC Dynamo 21 31 : 20 33
5. FC Čerwjeno-běli Erfurt 20 30 : 25 33
6. FSV Zwickau 20 28 : 31 33
7. Greifswaldski KK 21 31 : 23 32
8. Hertha BSC II 20 32 : 34 31
9. Kamjeničanski FC 21 20 : 13 30
10. VSG Altglienicke 19 21 : 18 25
11. SV Babelsberg 03 21 30 : 35 25
12. ZFC Meuselwitz 21 24 : 39 24
13. FC Viktoria Berlin 20 22 : 31 22
14. BSG Chemija Lipsk 20 16 : 37 19
15. Hertha 03 Zehlendorf 20 27 : 35 17
16. FC Eilenburg 20 23 : 32 17
17. FSV 63 Luckenwalde 20 18 : 31 16
18. VFC Plauen 19 19 : 35 15
Regionalna liga žonow
1. RB Lipsk II 11 57 : 9 30
2. FC Viktoria Berlin 11 43 : 6 30
3. FC Hertha 03 11 48 : 14 25
4. FC Carl Zeiss Jena U20 11 31 : 17 19
5. 1. FC Union Berlin II 11 27 : 27 17
6. 1. FFV Erfurt 11 18 : 24 16
7. FFC Turbine Potsdam II 11 25 : 28 13
8. 1. FC Magdeburg 11 17 : 28 11
9. F.C. Hansa Rostock 11 16 : 45 11
10. Türkiyemspor Berlin 11 17 : 34 10
11. Fortuna Drježdźany 11 6 : 32 6
12. Biskopičanske KT 08 11 8 : 49 2
3. liga
Mnichow – Arminia Bielefeld 0:3 (0:1)
H. Rostock – D. Drježdźany 1:0 (1:0)
Aue – Unterhaching1:0 (1:0)
Aachen – Borussia Dortmund II 2:2 (1:0)
Essen – FC Ingolstadt 04 2:0 (1:0)
SC Verl – Viktoria Köln 1:1 (1:0)
Saarbrücken – Hannover U23 4:1 (1:1)
Stuttgart II – Energija Choćebuz 2:0 (0:0)
Osnabrück – Mannheim 1:1 (1:1)
1. FC Energija Choćebuz 25 48 : 28 48
2. Dynamo Drježdźany 25 49 : 30 45
3. 1. FC Saarbrücken 25 38 : 26 44
4. Arminia Bielefeld 25 35 : 26 40
5. Viktoria Köln 25 41 : 33 40
6. FC Ingolstadt 04 25 49 : 38 39
7. Hansa Rostock 25 33 : 32 38
8. SC Verl 25 37 : 32 37
W januarje kwalifikowachu so Worklečanscy wolejbulisća w Biskopicach ...
Posledni test wuspěšnje zakónčili
ST 1922 Radwor –
Rakečanske ST II 5:0 (1:0)
Zestawa domjacych: Šěrak, J. Pěčak – Wjesela, Omran, M. Dźisławk, Wjeńka, Wjacławk, Glücklich, Wróbl, Adam, Wencel, C. Dźisławk, Dej, Elsner, Krječmar
Na poslednjej testowej hrě před startom do druheje połojcy sezony přeprosychu sej Radworčenjo druhe mustwo z Rakec do Budyšina na kumštny trawnik.
Hosćićeljo hrajachu měrnje, zo bychu wuspěšnje nadběhowali. Hižo we 8. min. suny Casper Dźisławk bul k 1:0 do wrotow. Po tym nastachu z pomocu wonkownych hrajerjow dalše strašne situacije. Ale přez wrotowu liniju njemóžeše nichtó hrajny nastroj kopnyć. Tež Rakečenjo so hdys a hdys po dołhich bulach před wrotami přećiwnika pokazachu.
Serija bjez poražki so torhnyła
VfB Stuttgart II –
FC Energija Choćebuz 2:0 (0:0)
Zestawa FC Energije Choćebuz: Bethke – Rorig, Kusić, Slamar, Bretschneider, Ciğerci, Pelivan, Borgmann, Tallig (75. Oesterhelweg), Thiele, Halbauer (62. Engelhardt)
wrota: 1:0 Faghir (74.), 2:0 Faghir (90.)
Wot 2. nowembra zašłeho lěta njebě so žanomu třećemu ligistej poradźiło, přećiwo nowačkej třećeje ligi dobyć. Zo sta so tole nětko přećiwo druhemu zastupnistwu VfB Stuttgart, kiž bě do toho hižo Drježdźany přewinył a sej přećiwo Ingolstadtej dypk zawěsćił, njeběše přepřekwapjace.
Hosćo z Łužicy njemějachu na tutym 25. hrajnym dnju žanu šansu přećiwo spěšnej hrě dorosta VfB. W dwubojach zhubichu hrajerjo FCE přehusto bule. Tak wuhrachu sej lědma wrotowe šansy. Elias Bethke dyrbješe pak porno tomu dwójce w zwučenym maněrje „nulu“ dźeržeć.
W běhu druheho połčasa bu VfB hišće lěpši a agěrowaše dźakowano swojim zaměnjenjam hišće zaměrnišo. Tak běštaj přihotowar wrotow Benjamin Boakye a třělc wrotow Wahid Faghir hrajerjej dnja, kotrajž Šwabam dospołnje zasłužene dobyće zawěsćištaj.
Georg Zielonkowski
Znowa wokrjesny pokal dobyli
Před mnohimi přihladowarjemi a wulkotnej blidotenisowej atmosferu hrajachu srjedź februara w domjacej hali hosćićeljo z Worklec a mustwa z Budyšina, Kamjenca a Čerwjenych Noslic wo wokrjesny pokal. Po něhdźe 3,5 hodźinach najlěpšeho blidotenisa, z napjatymi duelemi a zdźěla spektakularnymi přihrawkami bulow w modusu kóždy přećiwo kóždemu běchu Worklečanscy sportowi přećeljo Roman Straube, Michał Mikławšk a Stephan Mith z jokerom Milanom Lukašom dobyćerjo turněra. Ze sylnymi wukonami 4:1 přećiwo Čerwjenym Noslicam, 4:1 přećiwo Budyšinej a 4:0 přećiwo Kamjencej zakitowachu Worklečenjo swój lońši titul suwerenje. Kaž přeco běchu so zamołwići Viktorije wo ćělne derjeměće hrajerjow kaž tež přihladowarjow z kofejom a tykancom resp. piwom a kołbaskami postarali.
