Krótkopowěsće (11.08.21)
Dalše nowoinfekcije z koronu
Budyšin/Zhorjelc. Strowotniski zarjad Budyskeho wokrjesa je wčera tři dalše koronainfekcije zwěsćił. W chorowni lěkuja tuchwilu tři wosoby, jednu wjace hač dźeń do toho. Roberta Kochowy institut poda za dźensa incidencu 5,0. Tež w Zhorjelskim wokrjesu je incidenca na 4,0 postupiła. Třo dorosćeni a jedne dźěćo su so z wirusom natyknyli. Jednoho pacienta tam stacionarnje lěkuja.
Próstwy hišće wotedać
Podstupim. Za braniborski spěchowanski program „Kultura na wsy“ móža zajimcy hišće hač do 18. awgusta próstwu wotedać. Z dohromady jednym milionom eurow spěchuja tak mjenowane kulturne kótwicowe městna, kotrež na region wuprudźeja a tamnišich akterow zwjazuja. Wosebje čestnohamtsce skutkowacych chcedźa zapřijeć.
Publikacija wo strukturnej změnje
Policija (10.08.21)
Bjez dowolnosće jězdźił a znjezbožił
Slepo. Wonkownej špihelej dweju jězdźidłow buštej minjenu sobotu při wobchadnym njezbožu w Slepom skóncowanej. 20lětny wodźer transportera bě předaloko na prawy bok zajěł a so parkowaceho dalšeho transportera šmórnył. Zawinowar drje so najprjedy z městna njezboža zhubi, policija pak jeho bórze na to lepi. 20lětny jenož njezbožo njepřizna, ale tež, zo scyła žanu jězbnu dowolnosć nima. Wón změje so nětko za ćeknjenje z městna njezboža kaž tež za jězdźenje bjez dowolnosće zamołwić.
Wustajeńca dale pućuje
Kamjenc. Loni nastatu wustajeńcu wo česćowanju swjateho Bosćana w Chróšćanskej wosadźe wotewru jutře, srjedu, w 19 hodź. w Kamjenskej Haninej cyrkwi. Nawodnica Lessingoweho muzeja dr. Sylke Kaufmann wopytowarjow po přehladce powjedźe.
Na swjedźenišću maja wodu
Němcy. Na iniciatiwu wjesneho a młodźinskeho kluba ma wjesne swjedźenišćo w Němcach nětko swójski přizamk za wodu. Hłubokotwarske dźěła za 70 metrow dołhu rołu je twarski zawod ze wsy přewzał. Sobudźěłaćer Wojerowskich zastaranskich zawodow je wšitko přizamknył. Nowy hydrant słuži zdobom za rjedźenje wodowoda.
Radźićeljo so schadźuja
Radwor. Přichodne posedźenje Radworskeje gmejnskeje rady wotměje so jutře, srjedu, we 18.30 hodź. w jědźerni tamnišeje zakładneje a wyšeje šule. W zjawnym dźělu schadźowanja póńdźe mjez druhim wo wobstaranje nowych laptopow za wučerjow a wo dróhotwarske dźěła w Boranecach.
Přizjewjenja hišće móžne
Ideju wo hosćencu zwoprawdźił
Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často maja tež zajimawe stawizny. W swojej lětnjej seriji tajke gastronomiske předewzaća předstajamy, dźensa Budyski hosćenc „Culinarium“. (9)
W Budyšinje po starym měsće so rozhladować njeje jeno turistam rjane dožiwjenje. Sedźiš-li w piwowej zahrodźe hosćenca „Culinarium“ na róžku Prědarskeje a Wulkobratrowskeje hasy, widźiš před sobu rozwalinu mnišeje cyrkwje. Wona dopomina na klóšter franciskanow, kotryž tam hač do 16. lětstotka bě. Mniša mějachu tam tež hospic, kiž steješe na městnje dźensnišeho „Culinariuma“. Spočatk julija 1598 so klóšter a cyrkej přez woheń dospołnje zničištej a njebuštej hižo natwarjenej. Zachowana rozwalina dopomina ze swojimi woknami z kónčkojtym wobłukom a portalom na zažnogotiski twarski stil.
Kołpje su sobu najwjetše ptaki, kotrež tež pola nas w přirodźe ...
Krótkopowěsće (10.08.21)
Incidenca dale snadna
Budyšin/Zhorjelc. W hornjołužiskomaj wokrjesomaj wosta incidenca koronapadow na 100 000 wobydlerjow minjene sydom dnjow na niskim niwowje. Tak poda Roberta Kochowy institut dźensa za Budyski wokrjes incidencu 4,3. Strowotniski zarjad bě tu šěsć nowoinfekcijow zwěsćił. W Zhorjelskim wokrjesu je so jedna wosoba natyknyła. Tam wučinja incidenca po RKI dźensa 3,6.
W jězoru so radšo njekupać
Budyšin. Mokrica je so w Budyskim spjatym jězorje tak sylnje rozmnožiła, zo strowotniski zarjad wotradźa so tam kupać. Bakterije móža pola čłowjeka problemy z kožu abo w požiwanju wuskutkować. Loni su wjacore psy na Greifswaldskim zaliwje zahinyli, po tym zo běchu z mokricu inficěrowanu wodu pili. Budźe-li hišće horcyšo a módre algi so dale rozmnoža, móhli kupanje zakazać.
Zapisanje na dobro škita?
Nowa wuchowanska straža nastawa
Slepo (JoS/SN). Zhorjelski wokrjes twari tuchwilu na kromje Slepjanskeho přemysłownišća nowu wuchowansku stražu. Po planje ma wona hač do kónca lěta 2021 hotowa być. Kaž pak je z krajnoradneho zarjada zhonić, móhli so zdźěla tež do nalěća 2022 ćahnyć, dokelž maja firmy problemy trěbny material dóstać. Projekt płaći dohromady něhdźe 1,3 miliony eurow.
Wuchowanska straža je Běłowodźanskemu wuchowanskemu wobłukej přirjadowana. Jemu přisłušeja Dźěwin, Slepo, Trjebin a Běła Woda sama. Dokelž pak tam stajnje zaručene njebě, zo je wuchowanske awto w předpisanych dwanaće mjeńšinach na městnje, je so wokrjes za nowu stražu w Slepom rozsudźił.
Historiski biwak w Nuknicy
Policija (09.08.21)
Wobšudnistwu zadźěwała
Wojerecy. Kedźbliwa předawarka kupnicy na Wojerowskej Gagarinowej hasy je minjeny pjatk tomu zadźěwała, zo stanje so starša žona z woporom wobšudnikow. Njeznaći běchu rentnarku zazwonili a jej zdźělili, zo je 38 500 eurow w loteriji dobyła. Za to měješe wona dobropisy w hódnoće tysac eurow kupić. 79lětna chcyše je w bliskej kupnicy wobstarać. Předawarka pak žonje rozłoži, zo drje jedna so wo wobšudnistwo, a je ju tak před móžnej škodu wobchowała.
