Po třoch lětach dalši koncertny rjad musica nova sorabica

Budyšin (SN/CoR). Z kombinaciju nazyma a hudźba asociěruja mnozy Serbja hnydom tradicionalne nazymske koncerty lajskich kulturnych skupin. W tymle lětdźesatku pak je so nimo toho dalši hudźbny rjad etablěrował, wěnowacy so našočasnej wuměłskej hudźbje „musica nova sorabica“. Po premjerje lěta 2011 a dalewjedźenju w lěće 2014 poskića w Załožbje za serbski lud zaměstnjenjena iniciatiwa lětsa znowa tři koncerty, a to 14., 21. a 28. oktobra. W nich njepředstajeja jeno serbscy našočasni komponisća, solisća a ćělesa zjawnosći nowe twórby. Rjad ma tohorunja tomu słužić, wuměnu mjez wuměłcami wšelakorych regionow a krajow kaž tež žanrow spěchować.­ Pod hesłom „tradicija + eksperiment“ chce musica nova sorabica nimo­ toho nowym – tež eksperimen­talnym idejam – podij być, při tym pak tež na stawizny serbskeje wuměłskeje hudźby a jich protagonistow nawjazać.