To znajmjeńša mytowani wubědźowanja „Rěči přichilena komuna 2017“ z tójšto kreatiwitu dopokazuja.

Slepo (CK/SN). Serbska rěč je žiwa. A sćěhuješ-li wuslědki wubědźowanja „Rěči přichilena komuna“, da je wona we Wojerecach, Łazu a Chrósćicach najžiwiša. Tute tři komuny su jako dobyćerjow mjenowaneho wubědźowanja w kategorijach města, gmejny a gmejny w serbskej jadrowej kónčinje minjeny pjatk w Slepjanskim Serbskim kulturnym centrumje počesćili. Wurisanje běchu loni 3. februara w Budyšinje zahajili.