Budyšin (SN/bn). Na přepjelnjenej małej žurli Budyskeho Dźiwadła na hrodźe su wčera we wobłuku rjada Friedricha Ebertoweje załožby „Přichod Budyšin“ prašenje „Kak budźe štó tu žiwy“ rozjimali. Diskutanća na podiju běchu intendant Němsko-Serbskeho ludoweho dźiwadła Lutz Hillmann, dr. Birgit Wolter z Berlinskeho Instituta za gerontologiske slědźenje a twarska měšćanostka Budyšina Juliane Naumann. Redaktor a korespondent dźenika Süddeutsche Zeitung za srjedźnu Němsku Cornelius Pollmer je rozmołwu wospjet moderěrował.