XIII. mjezynarodny folklorny festiwal zahajeny
Budyšin (SN/CoR). Prěni dohlad do XIII. mjezynarodneho folklorneho festiwala „Łužica 2019“, wotměwaceho so hač do 7. pražnika w Budyšinje, Hochozy a Chrósćicach, je dźens dopołdnja hižo wjace hač 600 dźěći z pěstowarnjow, šulow a gymnazijow mjez druhim z Budyšina, Pančic-Kukowa, Worklec a Radworja dóstało. Na dwěmaj předstajenjomaj w Budyskim Němsko-Serbskim ludowym dźiwadle rejwachu, hudźachu a spěwachu skupiny z Algeriskeje, Peruwa a Boliwiskeje. Hač do oficialneho zahajenja z wječornym galaprogramom na hłownym jewišću w NSLDź ma wšitkich dwanaće hłownych kulturnych ansamblow z wukraja přijěć.
Wotpohladnje su wotewrjenje tónraz do NSLDź přepołožili. „Kaž nazhonjenja minjenych lět pokazuja, njeje dosć zajimcow, zo by trawersa na Budyskim hrodźe tak pjelnjena była prawu festiwalnu atmosferu budźić. Nadźijamy so, zo so to tónraz hižo prěni wječor poradźi“, praji hłowny organizator festiwala a jednaćel Domowiny Marko Kowar.
