Tworjenje Kita Lorenca w srjedźišću 40. swjedźenja serbskeje poezije stało

Budyšin (SN/bn). „Dźensa chcemy na mjezynarodny swjedźeń serbskeje poe­zije spominać, kotryž bu před 40 lětami we Wotrowje prěni raz zarjadowany. Zdobom počesćimy Kita Lorenca, kiž bě swjedźeń tehdy sobu załožił.“ Tak witaše sobotu Benedikt Dyrlich něhdźe 50 zajimcow w kopatej połnej Budyskej Starej wodarni. Basnik dźakowaše so „woprawdźitemu motorej na techniskim polu“ Mětej Benadźe a wjelelětnemu koorga­nizatorej Alfonsej Wićazej, z kotrymajž je lětuši swjatk wuhotował. Dyrlich na to skedźbni, zo su lětsa čestnohamtsce a na swójske riziko skutkowali, dokelž njejstej „wjednistwo Zwjazka serbskich wuměłcow a Załožba za serbski lud zamołwitosć za swjedźeń přewzać chcyłoj“. Dale dźakowaše so wón w tym zwisku wosebje bywšemu direktorej załožby: „Byrnjež často rozdźělneho měnjenja byli, bě nam­ Marko Suchy stajnje spušćomny partner. Běchmy sej přeco přezjedni, zo ma­ załožba swjedźeń podpěrać. Smy pokazali, zo maja Serbja wjace hač jenož folkloru.