Přehladku SORBIAN STREET STYLE njedźelu w Serbskim muzeju wotewru
Budyšin (SN/CoR). Wosebita wustajeńca SORBIAN STREET STYLE, kotruž njedźelu w Budyskim Serbskim muzeju wotewru, ma misiju – impulsy dawać za drastowu kulturu wšědneho dnja, za regionalne hospodarstwo a za młodźinu. „Młodźina je poprawom inicialny nastork dała. Je tradicionalna drasta hišće dosć moderna, zo by tež přichodna generacija so z njej identifikować móhła? Přejemy sej nowy rozmach za našu drastu“, praji kuratorka wustajeńcy a sobudźěłaćerka Serbskeho muzeja Andrea Pawlikowa na wčerawšej nowinarskej konferency.
