Sobuskutkowacy serbskeje pop-opery nadźijeja so, proby bórze zahajić móc

Drježdźany/Budyšin (SN/bn). „Carpe noctem – Njeskónčna nóc“ je titul serbskeje pop-opery, kotruž chcetej skupina Trio a kumple a młodźinske towarstwo Pawk nazymu prěni raz předstajić. Poprawom w aprylu planowanu premjeru nadal njepřewinjeneje pandemije dla zwoprawdźić njemóža. Korona je zdobom přičina toho, zo sobuskutkowacy tuchwilu kaž na hozdźikach sedźa. „Wšitko je tak daloko spřihotowane. Čakamy jenož hišće na wolóženje wobmjezowanjow, zo móhli skónčnje započeć probować“, sobuiniciator projekta a čłon trija Syman Hejduška powěda.