Kreatiwne a kulturne hospodarstwo na spočatku tworjenja hódnotow

Budyšin (SN/bn). Ze štwórtej dźěłarničku su Serbski institut (SI), Leibnitzowy institut za stawizny a kulturu wuchodneje Europy (GWZO), Hannah-Arendt-institut za wuslědźenje totalitarizma (HAIT) a Institut za sakske stawizny a ludowědu (ISGV) zhromadny projekt „Multipelne transformacije: towaršnostne nazhonjenja a kulturna změna we wuchodnej Němskej a wuchodo-srjedźnej Europje“ zakónčili. Ćežišćo předwčerawšim a wčera digitalnje wotměwaceho so zarjadowanja bě „metodiske wuswětlenje sektora kulturnje a kreatiwnje tworjacych pola mjeńšinow“ – předmjet to, kajkiž njeje po wopisanju SI „dotal wulce w srjedźišću zajima stał“.