Serbski ludowy ansambl zhladuje na lěto połne wužadanjow

Budyšin (SN/CoR). 2021 běše za Serbski lu­do­wy ansambl dalše wužadanjowpołne lěto. Wot januara do meje a wot nowembra do decembra běchu dźiwadłam w Sakskej zjawne programy kaž tež předsta­jenja zakazane. Cyrkej skićeše Budyskim ansamblowcam z wobrubjenjom nyšporow, nutrnosćow, Božich mšow a bohosłužbow móžnosć, před publikumom hudźić. Hakle spočatk junija bě prěni zjawny, chórowy koncert w Hrodźišku. Slědowachu koncerty we wobłuku Aquamediale w delnjołužiskich Słopišćach a mjeńše komorno-hudźbne formaty kaž hudźbno-literarny wječor „Zynki a linki“. W kooperaciji ze Smochčanskim kubłanišćom swj. Bena předstaji SLA komor­nohudźbnu słuchohru z baletom „Napoleon a agentka“ z pjera noweho in­ten­danta ansambla Tomasa Krei­­bicha-­Nawki. W druhej połojcy lěta běše zaso móžno so na turneje podać, a tak předstajichu mjez druhim rejwanske dźiwa­dło „Za Marju – wosrjedź nocy“ w južnej Němskej. W septembrje nahrawachu hudźbnicy SLA zhromadnje z band Malty Rogackeho a 1.