Kamala Harris jasnje jako kandidatka demokratow wuzwolena
Washington (dpa/SN). Kamali Harris wupraji 99 procentow 4 500 delegatow demokratiskeje strony swoju podpěru. Wothłosowanje su online přewjedli, dokelž bě rozsud wo kandidaturje Harris tak zahe kaž móžno trěbny. Wšako započinaja w někotrych zwjazkowych krajach USA bórze wólbne lisćiki ćišćeć. Tak poda so wona derje zesylnjena do prezidentskich wólbow lětsa w nowembrje. Hižo minjeny tydźeń docpě wona dosć hłosow za nominowanje jako kandidatka. Harris bě jenička kandidatka při digitalnym wothłosowanju – nominowanje dyrbi wjednistwo demokratiskeje strony nětko jenož hišće formalnje wobkrućić.
